Aller au contenu

Aller au sous-menu

Aller au sommaire

Te tau Ite no Iehova

Marquisien (Nuku Hiva)

Tekao hou koakoa me io te Etua

 HAKAKO’IA 10

Pehea e ‘ite ai ‘oe i te ha’ati’a tiatohu?

Pehea e ‘ite ai ‘oe i te ha’ati’a tiatohu?

1. E tahi anaiho ha’ati’a tiatohu?

“Umo’i otou e muimui me te tau perohetq tivava.ʺ—MATEO 7:15.

E tahi anaiho ha’ati’a tiatohu ta Ietu i hakako i ta ia tau kou’a. Ua tuku Ietu i titahi hakâtu, e tahi va’anui e tihe atu i te pohu’e’ia ananu. Ua pe’au Ietu ‘a’o’e e nui te tau enana e to’o i te’a va’anui. (Mateo 7:14) O te atoratio i ‘uka te tekao tiatohu ta te Etua e apu’u. Mea katahi te tau po’i atoratio tiatohu paotu i ‘oto e tahi ha’ati’a.A tatau i te Ioane 4:23, 24; 14:6; Efetia 4:5.

2. E aha ta Ietu i pe’au i ‘uka te tau Kiritiano tivava?

“Te pe’au nei atou, ua ‘ite atou i te Etua, ‘atika e titi’i ‘ia ia ma to atou tau hana.”—TITO 1:16.

Ua pe’au Ietu i ta ia tau Kiritiano e tû mai titahi tau perofeta tivava. ‘Ia tiohi atu, e hakâtu atou me te tau po’i atoratio tiatohu, e pe’au a’a e Kiritiano atou. E koaka ‘ia ‘oe e ‘ite o ai atou. ‘Atika e ‘ite ‘oe o ai te tau Kiritiano tiatohu ma ‘oto o to atou hakâtu meita’i me ta atou hana. ‘O atou te tau po’i atoratio tiatohu.A tatau i te Mateo 7:13-23.

3. Pehea ‘ia ‘ite i te tau po’i atoratio tiatohu?

Eia e ima haka’ite’ia:

  • E ha’apakaihi te tau po’i atoratio tiatohu i te Pipiria e Tekao na te Etua. E ha’a’oko atou i te ‘i’i no te ha’ahana i te tau tumu tekao a te Pipiria. ‘A’o’e ho’i te ha’ati’a tiatohu i ha’amau’ia i ‘uka te ma’akau o te tau enana. (Mateo 15:7-9) Te pohu’e nei atou mei ta atou i hakako mai me te haka’ite atu ia titahi.A tatau i te Ioane 17:17; 2 Timoteo 3:16, 17.

  •   E pakaihi te tau kou’a tiatohu a Ietu i te ikoa o te Etua, ‘o Iehova. Ua pakaihi Ietu te ikoa o te Etua me te haka’ite atu i titahi. Ua toko ia te tau enana ‘ia ‘ite te Etua me te hakako atu pehea ‘ia pure no te ha’atapu to ia ikoa. (Mateo 6:9) I to ‘oe vahi noho’ia, o ai te ha’ati’a e haka’ite nei te ikoa o te Etua?A tatau i te Ioane 17:26; Roma 10:13, 14.

  • E ha’atuhuka te tau Kiritiano tiatohu i te Patireia o te Etua. Ua pahi mai te Etua ‘ia Ietu i ‘uka o te henua no te ha’atuhuka te tekao hou koakoa o te Patireia. O te Patireia o te Etua te tata’i’ia no te tau enana. ‘O Ietu Kirito te Haka’iki. Ua ha’atuhuka ia i te’a Patireia tihe atu to ia mate’ia. (Ruka 4:43; 8:1; 23:42, 43) Ua pe’au ia e ha’atuhuka ta ia tau kou’a i te’a Patireia. ‘Ia tekao mai titahi enana ‘ia ‘oe i ‘uka te Patireia o te Etua, e aha ‘oa ta ia ha’ati’a?A tatau i te Mateo 24:14.

  • ‘A’o’e te tau kou’a a Ietu me io tenei aoma’ama hauhau. E ‘ite ‘ia ‘oe o ai atou no te mea ‘a’o’e atou e kavohi me te hana poritita a ko’e ‘a te tau totoua. (Ioane 17:16; 18:36) ‘A’o’e atou e toko nei te tau hakâtu hauhau o tenei aoma’ama.A tatau i te Iakopo 4:4.

  • Mea kaoha te tau Kiritiano tiatohu titahi i titahi. Ua hakako atou i ‘oto te Pipiria ‘ia pakaihi te tau enana ke. Ha’apoponiho’o te tau ha’ati’a tivava e toko te tau toua o te tau mata’eina’a ke, ‘a’o’e te tau po’i ha’ati’a tiatohu. (Mikea 4:1-3) Te ha’ahana nei te tau Kiritiano tiatohu to atou tau taetae no te toko me te ha’auo i tahipito.A tatau i te Ioane 13:34, 35; 1 Ioane 4:20.

4. E aha ‘oa te ha’ati’a tiatohu?

I to ‘oe ma’akau e aha te ha’ati’a i ha’amau te hakako’ia i ‘uka te Tekao o te Etua, ‘ia pakaihi te ikoa o te Etua me te haka’ite o te Patireia o te Etua te tata’i’ia no te tau enana? O ai te tau po’i e ha’ahana nei i te kaoha o te Etua me te katahi ko’e i te tau toua? E aha to ‘oe ma’akau?A tatau i te 1 Ioane 3:10-12.