Aller au contenu

Aller au sous-menu

Aller au sommaire

Te tau Ite no Iehova

Marquisien (Nuku Hiva)

Tekao hou koakoa me io te Etua

 HAKAKO’IA 7

E aha te Patireia o te Etua?

E aha te Patireia o te Etua?

1. E aha te Patireia o te Etua?

No te aha mea hei ‘o Ietu te Haka’iki meita’i?—MAREKO 1:40-42.

Te Patireia o te Etua e tahi ha’atere’ia ‘io he aki. E taui ia te tau ha’atere’ia no te ha’atupu te makimaki o te Etua ‘io he aki ati’i i ‘uka o te henua nei. Eia e tahi tekao hou koakoa! Tata’ekapo e kave mai te Patireia o te Etua e tahi ha’atere’ia meita’i no te katahi paotu te tau enana i te aoma’ama nei.A tatau i te Taniere 2:44; Mateo 6:9, 10; 24:14.

Ua ha’amana Iehova i ta ia Tama ‘o Ietu Kirito e Haka’iki no te Patireia.A tatau i te Apokarupo 11:15.

2. No te aha mea hei ‘o Ietu te Haka’iki?

Mea hei na te Tama a te Etua e Haka’iki, no to ia meita’i me to ia toko i te tekao tiatohu. (Ioane 1:14) Ava nui to ia ‘i’i no te toko i te tau enana no te mea na ia e ha’atere nei te henua me ‘io he aki. Ma hope to ia pohu’e’ia haka’ua, ua hiti ia ‘io he aki me te noho i te ‘ima oko o te Etua. (Heperero 10:12, 13) Ua ha’amana te Etua ‘ia Ietu no te ha’atere.A tatau i te Taniere 7:13, 14.

3. O ai te ha’atere me Ietu?

E ha’atere e tahi pupu pe’au’ia “naho muto iti noa” me Ietu ‘io he aki. (Taniere 7:27) Te tau peato vae’ia ‘omua, o te tau apotoro tiatohu a Ietu. Ma hope mai, ua tuku iho Iehova i tahipito tau vahana me te tau vehine tiatohu i te’a hua’a apotoro, tihe i tenei ‘a. Mei Ietu, e ha’apohu’e haka’ua ‘ia atou me he kuhane.A tatau i te Ioane 14:1-3; 1 Korinetia 15:42-44.

 E hia enana e hiti ‘io he aki? Ua pe’au Ietu ‘ia atou e “nǎnǎ iti.” (Ruka 12:32) To atou nui’ia, 144 000. E ha’atere mai atou i ‘uka o te henua me Ietu.A tatau i te Apokarupo 14:1.

4. E aha te mea i tupu i to Ietu ha’amata’ia i te ha’atere?

Ua ha’amata te Patireia o te Etua e ha’atere i te ehua 1914. * Tomua hana a Ietu Haka’iki, o te tatai ‘ia Tatane me ta ia tau tiaporo i ‘uka o te henua. Me te peke, ua ha’atupu Tatane i te tau kohi’i i ‘oto te aoma’ama nei. (Apokarupo 12:7-10, 12) Mei eia, nui ai te tau mamae o te tau enana, te tau toua, te tau mate oke, te tau mate peheke me te tau keu’u o te henua. Te haka’ite nei tenei “tapa’o” te mea tata’ekapo e hana te Patireia o te Etua ta ia hana i ‘uka o te henua.A tatau i te Ruka 21:7, 10, 11, 31.

5. E aha ta te Patireia o te Etua i ha’amau?

Ma te hana ha’atuhuka’ia ‘io he aoma’ama nei, te katahi nei te Patireia o te Etua te nui’ia enana me te tau mata’eina’a ke. E ‘i’o mai te mirioni enana koekoe mo’u e tavini no Ietu. I te ha’ako’e ia i tenei aoma’ama hauhau, e apu’u te Patireia o te Etua ‘ia atou. Te tau po’i e makimaki i te tau meita’i a te Patireia o te Etua, e hakako atou pehea ‘ia ‘i’o atou e tavini no Ietu.A tatau i te Apokarupo 7:9, 14, 16, 17.

‘Ia ha’atere te Patireia 1 000 ehua, e tupu te makimaki ‘omua a te Etua no te tau mata’eina’a: e ha’a’i’o te henua e papua meita’i no te tau enana. I te pao’ia, e ha’ahua Ietu i te Patireia o to ia Motua. (1 Korinetia 15:24-26) Ena e tahi enana ta ‘oe e makimaki e tekao no te Patireia o te Etua?A tatau i te Taramo 37:10, 11, 29.

 

^ par. 6 No te umihi atu te tau tekao tohu i ‘uka te ehua 1914, a tiohi i te hamani Qu’enseigne réellement la Bible? tapa hamani 215-218.

No te ‘ite haka’ua atu

O AI TE HANA NEI I TE MAKIMAKI ‘A IEHOVA I TENEI ‘A?

Pehea e ha’atuhuka nei matou i te Patireia?

Pehea te tau Ite no Iehova e to’o te hana ha’atuhuka ‘a Ietu?