Aller au contenu

Aller au sous-menu

Aller au sommaire

Te tau Ite no Iehova

Marquisien (Nuku Hiva)

O ai te hana nei i te makimaki ‘a Iehova i tenei ‘a?

 HAKAKO’IA 18

Pehea ‘ia toko i to matou tau tu’ane i ‘oto te kohi’i?

Pehea ‘ia toko i to matou tau tu’ane i ‘oto te kohi’i?

République dominicaine

Japon

Haïti

‘Ia tupu titahi kohi’i, e ha’apeipei poponiho’o te tau Ite no Iehova no te toko i to atou tau tu’ane me te tuehine i ‘oto i te mamae. E haka’ite nei tenei tau hana i ta matou kaoha toitoi titahi i titahi. (Ioane 13:34, 35; 1 Ioane 3:17, 18) E aha ta matou e hana?

E tuku matou i te moni. I te tupu’ia i titahi kohi’i ka’uo’o i Iutea, ua kave te tau Kiritiano ‘omua no Anetiokia i te moni no to atou tau tu’ane me te tuehine keke kuhane. (Hana 11:27-30) I tenei ‘a, ‘ia haka’oko matou e kohi’i a’a to matou tau tu’ane me te tuehine i titahi vahi, e kave matou i titahi tau vaetukia no te apu’u ‘ia atou.—2 Korinetia 8:13-15.

E ha’apeipei matou no te toko. ‘Ia tupu titahi kohi’i, e umihi te tau hamua i te tau tu’ane me te tuehine no te ha’aputuputu’ia no te ‘ite i to atou hakâtu. E ha’apa’o titahi tomite toko i te kaikai, te vai inu, te kahu, te vahi ma’u. Mea nui te tau Ite no Iehova e he’e nei no te toko a ko’e ‘a no te kanea haka’ua mai i te tau ha’e a ko’e ‘a te tau Ha’e o te Patireia. Ua hani matou me te tuta’i i te hana kotoa, e peipei poponiho’o matou i te toko i te ava kohi’i. E vava’o matou i to matou “fetii faaroo” me te tau po’i mei titahi ha’ati’a ke.—Karata 6:10.

E ha’ako’e matou i te ue me te toko ma ‘oto te Pipiria. E makimaki te tau po’i i ‘oto te kohi’i i te ha’ako’e i te ue. I ‘oto tenei tau ava, e umihi matou i te ‘i’i ‘o Iehova, ‘te Atua mahanahana.’ (2 Korinetia 1:3, 4) ‘Ia tekao i te tau po’i i ‘oto te mamae i te tau tekao Pipiria, e ha’atiatohu matou tata’eka te Patireia o te Etua e ha’ako’e i te tau kohi’i, te tau mamae.—Apokarupo 21:4.

  • No te aha e tihe poponiho’o matou no te toko ‘ia tupu titahi kohi’i?

  • Pehea e ha’ako’e matou i te ue no te tau po’i i ‘oto te kohi’i?