Aller au contenu

Aller au sous-menu

Aller au sommaire

Te tau Ite no Iehova

Marquisien (Nuku Hiva)

O ai te hana nei i te makimaki ‘a Iehova i tenei ‘a?

 HAKAKO’IA 4

No te aha i ‘o’omi’ia i te Traduction du monde nouveau?

No te aha i ‘o’omi’ia i te Traduction du monde nouveau?

Congo (Kinshasa)

Rwanda

Te ikoa o te Etua i ‘oto te Taramo 69:31 i ‘oto te hamani o te hu’i’ia Hereni a Symmaque, i te tai to’u a ko’e ‘a e ha

Ma ‘uka atu e onohu’u ehua, ua ha’ahana’ia, ‘o’omi’ia, tuha’ia na te tau Ite no Iehova i te nui’ia Pipiria. Ua ‘ite matou ‘imu’iho, mea hei ‘ia ‘o’omi e tahi Pipiria hou no te toko te enana ‘ia “ite i te parau mau.” O te makimaki a te Etua. (1 Timoteo 2:3, 4) No keina, i te ehua 1950, ua ‘o’omi’ia i te Pipiria Traduction du monde nouveau ma he ‘eo Peketane. Ma ‘oto titahi ‘eo hou, ua hu’i’ia tenei Pipiria ma te toitoi me te tiatohu, i ‘oto 130 ‘eo.

Mea hana ma’eka ‘ia vivini. I tenei tau ‘a, i ‘oto te nui’ia hu’i’ia, mea nui te tau ponatekao ‘a’o’e e ‘ite a ko’e ‘a mea hananui no te vivini. ‘Atika, ma ‘oto te koaka’ia mai i titahi tau hamani patu ‘i’ima kakiu, tata atu me te tau patu’ia tumu me te toitoi, ua vivini meita’i a’e i te tau ‘eo Heperero, Aramea me Hereni.

E hu’i’ia toitoi i te tekao o te Etua. ‘A’o’e te tau enana hu’i’ia i te Pipiria e taui i te tau patu’ia tapu o te Etua. ‘Ia he’e ananu ma hope o te tau patu’ia i ‘omua. ‘Atika, ‘a’o’e te ikoa o te Etua, ‘o Iehova, i ‘oto te nui’ia tau hu’i’ia Pipiria.

E hahi te Pipiria ‘ia Iehova. (2 Tamuera 23:2) Ua tuku’ia i te ikoa ‘o Iehova i ‘oto i te Traduction du monde nouveau e 7 000, ati’i i ‘oto i te tau patu’ia Pipiria kakiu, me te’a ata i ‘a’o nei. (Taramo 83:18) Ma ‘oto i te nui’ia ehua umihi’ia hohonu, mea hei ‘ia tatau i te Pipiria no to ia toko i te ma’akau a te Etua. E aha ‘a ‘a’o’e tenei Pipiria ma ‘oto i to ‘oe ‘eo, a oho i te ‘i’i no te tatau ‘ia ia paotu te ‘a.—Iotue 1:8; Taramo 1:2, 3.

  • No te aha matou e ‘o’omi’ia i titahi hu’i’ia Pipiria hou?

  • Pehea ‘ia ‘ite i te makimaki a te Etua?