Aller au contenu

Aller au sous-menu

Aller au sommaire

Te tau Ite no Iehova

Marquisien (Nuku Hiva)

O ai te hana nei i te makimaki ‘a Iehova i tenei ‘a?

 HAKAKO’IA 3

Pehea te tekao tiatohu Pipiria i tû haka’ua mai ai?

Pehea te tekao tiatohu Pipiria i tû haka’ua mai ai?

Enana hakako Pipiria i te tau ehua 1870

Tomua La Tour de Garde i te ehua 1879

La Tour de Garde i tenei ‘a

Ua haka’ite te Pipiria, ‘imu’iho te mate’ia ‘o Ietu Kirito, e tû mai te tau perofeta tivava mei ‘oto mai i te tau Kiritiano ‘omua me te ha’ahuike i te tekao tiatohu. (Hana 20:29, 30) Ua tupu ihoa. Ua kavohi te tau hakako’ia ‘a Ietu me te tau ma’akau Kiritiano ko’e tihe atu ai i titahi hana tivava a te tau ha’e putuputu’ia Kiritiano. (2 Timoteo 4:3, 4) ‘Atika, pehea e ‘ite tatou i te toitoi o to tatou ‘ite i ‘uka o te Pipiria?

Ua tihe te ava e haka’ite ai Iehova i te tekao tiatohu. I te ava pao’ia, ua tohu Iehova “e tupu atura te ite i te rahiraa.” (Taniere 12:4) I te ehua 1870, ua vivini e tahi kaiu pupu enana i te tekao tiatohu ‘a’o’e mei ‘oto mai te Pipiria te nui’ia hakako’ia a te tau ha’ati’a. Ua umihi atou i te hakako’ia tumu a te Pipiria. Ua toko Iehova ‘ia atou.

E tahi hakako hohonu a te Pipiria. Ua ha’ameita’i te tau Enana hakako Pipiria i titahi hana hakako’ia, ta matou e ha’ameita’i nei i tenei ‘a. E umihi atou i ‘oto te Pipiria ma he tumu tekao. ‘Ia ko’e atou e ‘ite meita’i i titahi kio Pipiria, e umihi atou i titahi tau kio no te ha’avivini atu. I te ava ua koaka ‘ia atou e tahi pao’ia, e patu atou. ‘Ia ha’avai na te Pipiria e ha’avivini ‘ia ia e koaka ai ‘ia atou te tekao tiatohu i ‘uka i te ikoa o te Etua, to ia Patireia, to ia makimaki no te henua me te enana, te hakâtu o te tau po’i me te tata’i’ia i ‘uka o te tau po’i mamate. Ma to atou umihi’ia pohu’e ai atou me io te tau ha’ati’a me te tau hana tivava.—Ioane 8:31, 32.

I te ehua 1879, ua vivini te tau Enana hakako Pipiria ua tihe te ava ‘ia haka’ite i te tekao tiatohu. ‘Atika, ua ha’amata i te ‘o’omi i te hamani La Tour de Garde annonce le Royaume de Jéhovah, hamani ta matou e tuha nei tenei tau ‘a. Te haka’ite nei matou i te tekao tiatohu o te Pipiria i te enana ma ‘uka atu e 240 henua ma ‘oto e 750 ‘eo. E tapava’u te ‘ite tiatohu!

  • E aha te mea i tupu mai i ‘uka te tekao tiatohu ma hope te mate’ia ‘o Ietu Kirito?

  • Pehea te tekao tiatohu i tû haka’ua mai ai?