Aller au contenu

Aller au sous-menu

Aller au sommaire

Te tau Ite no Iehova

Marquisien (Nuku Hiva)

O ai te hana nei i te makimaki ‘a Iehova i tenei ‘a?

 HAKAKO’IA 19

O ai te tavini ma’ama me te teka ko’e?

O ai te tavini ma’ama me te teka ko’e?

E koaka ‘ia matou paotu i titahi o’a o te kuhane meita’i oko

Mamua to ia mate, ua tekaotekao Ietu i ta ia tau kou’a ‘o Petero, Iakopo, Ioane me Aterea. Ua tohu ia i te hakâtu e haka’ite mai e tata’eka to ia tihe’ia i te pao’ia o te aoma’ama nei. Ua pe’au Ietu i titahi ui’ia: “O vai hoi te tavini haapao maitai e te paari, ta to ’na ra fatu i faatavana i to ’na utuafare ei hopoi atu i ta ratou maa i te hora mau ra?” (Mateo 24:3, 45; Mareko 13:3, 4) ‘O Ietu te hatu o te ha’e te vae nei i te tau po’i e tuku i te o’a o te kuhane i ta ia tau kou’a i te pao’ia o te aoma’ama. O ai ho’i tenei tavini?

E kaiu pupu Kiritiano pa’u’ia i te kuhane meita’i atou. O te Nino a’ahi a te tau Ite no Iehova te tavini. Te hana nei atou i te o’a o te kuhane i te tau ava paotu no to atou tau tu’ane me te tuehine e atoratio a’a ‘ia Iehova. E makimaki toitoi a’a matou i tenei tavini ha’apa’o meita’i no te koaka mai i ta matou “tufaa maa i te tufaraa mau ra.”—Ruka 12:42.

E ha’apa’o atou i te hua’a ha’e a te Etua. (1 Timoteo 3:15) Ua tuku Ietu i tenei tavini e tahi hana: ‘ia ha’apa’o meita’i i te tau taetae i ‘uka o te henua o te ha’aputuputu’ia Kiritiano ‘a Iehova, i te hana ha’atuhuka’ia me te hakako’ia i ‘oto i te tau ha’e putuputu’ia Kiritiano. No te tuku mai i ta matou e makimaki nei i te tau ava paotu, te tuha nei te tavini ma’ama me te teka ko’e i te o’a o te kuhane ma ‘oto i te tau hamani haka’ite’ia ta matou e ha’ahana nei i ‘oto i te ha’atuhuka’ia, i ta matou tau putuputu’ia Kiritiano me te tau motuhaka Kiritiano.

E tavini teka ko’e i ta ia tau tekao tiatohu me ta ia hana e ha’atuhuka i te evanerio. E tavini ma’ama no te ha’apa’o meita’i i te tau taetae a te Kirito i ‘uka o te henua. (Hana 10:42) Te ha’ameita’i nei Iehova i ta ia hana ma te ha’anui i te tau po’i e ‘i’o nei e Ite no ia me te ha’anui i te o’a o te kuhane.—Itaia 60:22; 65:13.

  • O ai ta Ietu i vae no te hana i te o’a o te kuhane no ta ia tau kou’a?

  • No te aha e pe’au’ia e tavini ma’ama me te teka ko’e?