Aller au contenu

Aller au sous-menu

Aller au sommaire

Te tau Ite no Iehova

Marquisien (Nuku Hiva)

O ai te hana nei i te makimaki ‘a Iehova i tenei ‘a?

 HAKAKO’IA 16

E aha te hana a te tau toko tavini?

E aha te hana a te tau toko tavini?

Birmanie

Tekao haka’ite

Putuputu’ia no te ha’atuhuka’ia

Ha’ameita’i’ia i te Ha’e o te Patireia

E pe’au te Pipiria e ‘ua pupu Kiritiano te to’o i te tau hana i ‘oto i te ha’e putuputu’ia Kiritiano, te tau tiaki Kiritiano me te tau toko tavini. (Firipo 1:1) Mea nui te tau tu’ane e to’o i te’a hana i ‘oto i te tau ha’e putuputu’ia Kiritiano. E aha te hana a te tau toko tavini no matou?

E toko atou i te tau hamua. I to atou hou’ia a ko’e ‘a i to atou ha’a’oko’ia, e enana tapi’i me Iehova te tau toko tavini. E tu’ane hei no te ha’ati’a me te koekoe meita’i. Na atou e ha’apa’o nei i te tau hana a te tau ‘a paotu i ‘oto i te ha’e putuputu’ia Kiritiano. E hana atou no te ha’a’aka’aka i te hana a te tau hamua no te ha’apa’o i te hakako’ia me te tiaki’ia a te tau muto ‘a Iehova.

Mea nui to atou hana. ‘O atou te apu’u i te enana paotu ‘ia tihe mai i te tau putuputu’ia Kiritiano. E ha’apa’o atou i te maihini ha’a’oko taki ‘eo, i te tau hamani haka’ite’ia, i te hu’ihu’i’ia moni a te ha’e putuputu’ia Kiritiano a ko’e ‘a i te hana henua no te ha’atuhuka’ia. E hana meita’i atou i te Ha’e o te Patireia. E ape te tau hamua ‘ia atou no te toko i te tau Kiritiano ha’a’oko. E aha ‘a to atou hana i tuku’ia, ua ao to atou koekoe no te hana. A pakaihi atu ‘ia atou.—1 Timoteo 3:13.

E haka’ite atou i te hakâtu meita’i. No to atou ha’ahana’ia i te tau meita’i Kiritiano e vae i te tau toko tavini. I te tau putuputu’ia Kiritiano, e ha’auo to atou tekao haka’ite i to matou ha’ati’a. I ‘oto i te ha’atuhuka’ia, e ha’a’i’i mai to atou koekoe uo ‘ia matou. No to atou toko i te tau hamua e tupu ai te koakoa me te tuta’i’ia. (Efetia 4:16) Ma te ehua, e koaka ‘ia atou e ha’a’i’o atu e hamua.

  • E aha te tau meita’i Kiritiano e ha’ahana nei te tau toko tavini?

  • E aha to atou hana no te meita’i o te ha’e putuputu’ia Kiritiano?