Aller au contenu

Aller au sous-menu

Aller au sommaire

Te tau Ite no Iehova

Marquisien (Nuku Hiva)

O ai te hana nei i te makimaki ‘a Iehova i tenei ‘a?

 HAKAKO’IA 17

E aha te hana a te tau tiaki Kiritiano vi’ipu?

E aha te hana a te tau tiaki Kiritiano vi’ipu?

Malawi

Putuputu’ia no te ha’atuhuka’ia

Ha’atuhuka’ia

Putuputu’ia a te tau hamua

E ha’ahiti pinepine te tau Patu Hereni Kiritiano ‘ia Paranape me te apotoro Pauro. E tiaki Kiritiano vi’ipu aua no te tiohi i te tau ha’e putuputu’ia Kiritiano i te tai ‘omua. No te aha ‘oa? No to aua aukuha i to atou tu’ane me te tuehine keke kuhane. Ua pe’au Pauro: “E ho‘i tâua i te mau taeae ra . . . ia ite tâua i to ratou mauraa.” (Hana 15:36) E aha ‘a te mamao, ua peipei Pauro ‘ia he’e no te ha’auo ‘ia atou. Ati’i me ta matou tau tiaki Kiritiano vi’ipu i tenei tau ‘a.

E ha’auo mai. E ‘ua ava i te ehua, e he’e mai te tiaki Kiritiano vi’ipu no te tiohi e 20 ha’e putuputu’ia Kiritiano a ko’e ‘a iti mai. E noho ia e tahi ‘atapu i ‘oto e tahi ha’e putuputu’ia Kiritiano. E koaka ‘ia matou e to’o to atou hakâtu meita’i. E ha’auo nei atou i te tau po’i hou me te tau po’i ha’a’oko no te ha’atuhuka’ia me te tau hakako’ia Pipiria. E kave mai atou me te tau hamua e tahi toko to’otahi a te tau tu’ane me te tuehine o te ha’e putuputu’ia Kiritiano. E tuku atou i te tau tekao Pipiria ha’auo i te tau putuputu’ia Kiritiano me te tau motuhaka Kiritiano.—Hana 15:35.

E ha’apa’o nei atou i te tau enana paotu. E toko te tau tiaki Kiritiano vi’ipu i te tau tu’ane me te tuehine no te koaka i te tau kiti’i meita’i a’e me Iehova. E putuputu nei te tau tiaki Kiritiano vi’ipu, te tau hamua me te tau toko tavini no te tiohi i te tau meita’i o to atou hana me te tuku atu i titahi tau ‘o’onaki no te a’ahi i te ha’e putuputu’ia Kiritiano. E apu’u atou i te tau pionie ‘ia hana meita’i i ‘oto i to atou ha’atuhuka’ia. E au atou ‘ia hani me te tau tihe hou me te ‘ite i to atou hakâtu meita’i. E oho atou i te ‘i’i no te hana no to matou meita’i. (2 Korinetia 8:23) E hakapahi nei to atou ha’ati’a me to atou kaoha i te Etua ‘ia hana matou ati’i.—Heperero 13:7.

  • No te aha te tau tiaki Kiritiano vi’ipu e he’e ai i ‘oto te tau ha’e putuputu’ia Kiritiano?

  • E aha ta ‘oe i koaka ‘ia hana i to atou tihe’ia mai?