Aller au contenu

Aller au sous-menu

Aller au sommaire

Te tau Ite no Iehova

Marquisien (Nuku Hiva)

O ai te hana nei i te makimaki ‘a Iehova i tenei ‘a?

 HAKAKO’IA 5

E aha ta ‘oe e ‘ite i ta matou tau putuputu’ia Kiritiano?

E aha ta ‘oe e ‘ite i ta matou tau putuputu’ia Kiritiano?

Argentine

Sierra Leone

Belgique

Malaisie

Mea nui te tau enana ‘a’o’e atou e tihe haka’ua i to atou putuputu’ia, ‘a’o’e ho’i atou e ‘ite i te apu’u a ko’e ‘a i te pahono’ia i to atou ui’ia hohonu i ‘uka i te pohu’e’ia. No te aha ‘oe e he’e ai i te putuputu’ia Kiritiano a te tau Ite no Iehova? E aha te tau meita’i ta ‘oe e koaka mai?

Te koakoa ‘ia katahi me te tau enana koekoe meita’i. E ha’aputuputu nei te tau Kiritiano i te tai ‘omua ma he ha’e putuputu’ia Kiritiano no te atoratio i te Etua, no te hakako i te tau tekao patu’ia me te ha’auo titahi i titahi. (Heperero 10:24, 25) I to atou putuputu’ia, te katahi nei te tau tu’ane me te tuehine Kiritiano me te tau hoa toitoi, ma te kaoha. (2 Tetaronika 1:3; 3 Ioane 14) Ati’i matou i tenei tau ‘a.

Te meita’i ‘ia ha’ahana i te tau tumu tekao a te Pipiria. Ati’i me te tai kakiu, e vahana, e vehine me te tau toiki te katahi nei. Te ha’ahana nei te tau tu’ane toitoi noa i te Pipiria no te vivini, pehea ‘ia ha’ahana i te tau tumu tekao i ‘oto to matou pohu’e’ia. (Teuteronomi 31:12; Nehemia 8:8) E koaka titahi i titahi ‘ia pahono i te tau ui’ia, ‘ia himene no te haka’ite atu i to matou ha’ati’a Kiritiano.—Heperero 10:23, Te Bibilia Mo’a V.C.J.S. (1976)

Te meita’i ‘ia ‘i’i to matou ha’ati’a. Ua pe’au te apotoro Pauro i titahi ha’e putuputu’ia Kiritiano i to ia tai: “E hinaaro rahi hoi to ’u ia ite atu ia outou, ia tuu atu vau i ta te varua ia outou . . . ia mahanahana hoi au e outou atoa i to tatou faaroo, i to outou e i to ’u atoa.” (Roma 1:11, 12) E ‘i’i to matou ha’ati’a ma te ha’atoitoi ‘ia pohu’e ma he Kiritiano me te katahi ananu me tahipito Ite no Iehova.

E makimaki nei ‘oe ‘ia he’e mai i to matou putuputu’ia i mua nei no te to’o mai i te tau nui’ia meita’i? E apu’u meita’i ‘ia ‘oe! Mea moni ko’e to matou putuputu’ia paotu. ‘A’o’e e he mea te kohi’ia moni.

  • O ai ta matou e kaoha nei i to matou putuputu’ia?

  • E aha te tau meita’i ta ‘oe e koaka mai?

No te ‘ite haka’ua atu

PUTUPUTU’IA

E aha te tupu i ‘oto i titahi Ha’e o te Patireia?

A tomo i ‘oto me te tiohi atu.

I ‘UKA ‘O MATOU

Te tau putuputu’ia a te tau Ite no Iehova

A tiohi i hea te tau Ite no Iehova e putuputu ai, pehea atou e atoratio ai?