Aller au contenu

Aller au sous-menu

Aller au sommaire

Te tau Ite no Iehova

Marquisien (Nuku Hiva)

O ai te hana nei i te makimaki ‘a Iehova i tenei ‘a?

 HAKAKO’IA 9

Pehea ‘ia ha’apeipei meita’i no te tau putuputu’ia Kiritiano?

Pehea ‘ia ha’apeipei meita’i no te tau putuputu’ia Kiritiano?

Cambodge

Ukraine

Mei te mea e hakako nei ‘oe me titahi Ite no Iehova, ‘a’o’e e ha’a e tuha’e ‘ia ‘oe ‘ia ha’apeipei i to ‘oe hakako’ia. Mea meitai ‘ia hana ati’i mamua te he’e i te tau putuputu’ia Kiritiano, no te ha’akoaka mai i te tau meitai. A kanea i titahi tekao haka’ite atu.

A vae i te hora me te vahi no te hakako’ia. E aha te hora meita’i a’e no ‘oe no te kaituto? I te popou’i i mua to ‘oe he’e i te hana, a ko’e ‘a i te po ‘ia hiamoe anae ta ‘oe tau toiki? A ha’atoitoi e hia miniti a ko’e ‘a hora ta ‘oe e makimaki e vae no te hakako, ma te ko’e e vai i titahi mea ‘ia ha’akohi’i ‘ia ‘oe. A umihi i titahi vahi tu’itu’i ko’e, a kukumi ta ‘oe ha’amevaha’eo, ta ‘oe puho ata, ta ‘oe aho kave tekao. A pure ‘omua to ‘oe ha’apeipei’ia no te ha’avai i te tau kohi’i i te kaokao, no te kaituto meita’i i te Tekao o te Etua.—Firipo 4:6, 7.

A ha’apeipei i te tau ma’akau hohonu me te tau pahono. ‘Ia ‘ite ‘oe ‘omua i te ma’akau tumu. A kaituto i te upoko tekao o te hatika. A umihi i te tekao tahi i ‘oto te upoko tekao me te upoko tekao iti. A tiohi i te tau ata. A tatau i te tau ui’ia mea ha’amau no te tau ma’akau hohonu. Ma hope mai, a tatau i te hatika me te umihi i te pahono’ia a te tau ui’ia. A tatau i te tau kio patu’ia me te umihi i te tekao tahi me te tau ma’akau. (Hana 17:11) ‘Ia ‘ite ‘oe i te pahono’ia, a katoi’a’o i titahi tau pona tekao. I te putuputu’ia Kiritiano, a ha’ama’akau ‘oe i to ‘oe pahono’ia. E koaka ‘ia ‘oe e pahono i titahi ui’ia ma ‘oto i to ‘oe iho tekao.

Ma te tatau i te tau ma’akau hakako’ia i te putuputu’ia Kiritiano i te ‘atapu, e kapo mai ‘oe i te tau ma’akau hou. A apu’u atu ‘oe i te’a tau ma’akau.—Mateo 13:51, 52.

  • E aha te tekao haka’ite atu ta ‘oe e makimaki ‘ia ha’amau no te ha’apeipei ‘ia ‘oe no te tau putuputu’ia Kiritiano?

  • Pehea ‘ia ha’apeipei ‘ia ‘oe i titahi pahono’ia no te putuputu’ia Kiritiano?

No te ‘ite haka’ua atu

PUTUPUTU’IA

Pehea te tau putuputu’ia a te tau Ite no Iehova e tupu ai?

A tiohi pehea matou e atoratio.