Aller au contenu

Aller au sous-menu

Aller au sommaire

Te tau Ite no Iehova

Marquisien (Nuku Hiva)

O ai te hana nei i te makimaki ‘a Iehova i tenei ‘a?

 HAKAKO’IA 27

No te aha e vai nei e tahi paoto avai’ia hamani i ‘oto i te Ha’e o te Patireia?

No te aha e vai nei e tahi paoto avai’ia hamani i ‘oto i te Ha’e o te Patireia?

Israël

République tchèque

Bénin

Îles Caïmans

No te ‘ite hohonu i te Pipiria, e makimaki e ha’a ‘oe e ha’amata i titahi umihi’ia i ‘uka o titahi kio, titahi enana Pipiria, titahi vahi a ko’e ‘a titahi ma’akau i pe’au’ia i ‘oto i te Pipiria. Ua ui e ha’a ‘oe e toko uanei te Tekao o te Etua ‘ia ‘oe i ‘oto i te kohi’i. A he’e tiohi i ‘oto i te paoto avai’ia hamani a te Ha’e o te Patireia.

Memau umihi’ia hei meita’i. ‘A’o’e e ha’a ‘oe te tau hamani haka’ite’ia Pipiria paotu a te tau Ite no Iehova ma ‘oto i to ‘oe ‘eo. I te paoto avai’ia hamani a te Ha’e o te Patireia, e vai nei te nui’ia o te tau hamani haka’ite’ia hou. Ena me te tau nui’ia Pipiria ke, e tahi hamani ha’avivini’ia pona tekao me titahi tau hamani haka’ite’ia. Ma mua e ma hope mai i te tau putuputu’ia Kiritiano, a he’e atu me te tiohi. Mai te mea ena me ta ‘oe ui’ia, e vai nei te tau hamani haka’ite’ia paotu i ‘oto i te Watchtower Library. E tahi paoto avai’ia hamani ‘o’o ui’a tenei. Mea hanama’eka ‘ia umihi i titahi tumu tekao, titahi pona tekao a ko’e ‘a titahi kio.

E toko i te tau kou’a o te putuputu’ia Pohu’e’ia me te ha’atuhuka’ia Kiritiano. Te paoto avai’ia hamani a te Ha’e o te Patireia e toko oti ‘ia ‘oe no te ha’apeipei i ta ‘oe tau tumu tekao. Na te tiaki no te putuputu’ia Pohu’e’ia me te ha’atuhuka’ia Kiritiano e ha’apa’o i te paoto avai’ia hamani. Na ia e ha’ameita’i nei me te tiohi e vai a’a te tau hamani haka’ite’ia hou. E koaka ‘ia ia a ko’e ‘a te enana hakako nei ‘ia ‘oe i te Pipiria e haka’ite atu ‘ia ‘oe pehea ‘ia umihi i ta ‘oe e makimaki. Umo’i e to’o atu i te tau hamani i te Ha’e o te Patireia. E toko matou i te’a tau hamani e umo’i e patu i ‘oto.

Te ha’avivini nei te Pipiria, ‘ia koaka mai “te ite i te Atua,” mea hei ‘ia umihi toitoi “mai te tao‘a hunahia.” (Toumaki 2:1-5) E toko uanei tenei paoto avai’ia hamani a te Ha’e o te Patireia ‘ia ‘oe, a he’e atu.

  • E aha te tau mea e koaka i ‘oto te paoto avai’ia hamani a te Ha’e o te Patireia?

  • O ai te enana e koaka e toko ‘ia ‘oe no te ha’ahana i te paoto avai’ia hamani?