Aller au contenu

Aller au sous-menu

Aller au sommaire

Te tau Ite no Iehova

Marquisien (Nuku Hiva)

O ai te hana nei i te makimaki ‘a Iehova i tenei ‘a?

 HAKAKO’IA 1

O ai te tau Ite no Iehova?

O ai te tau Ite no Iehova?

Danemark

Taïwan

Vénézuéla

Inde

E hia nui’ia Ite no Iehova ta ‘oe i hani? E enana noho tata, e hoa hana, a ko’e ‘a e hoa hamani uanei matou no ‘oe. A ko’e ‘a ‘ia tekaotekao ho’i matou ‘ia ‘oe i ‘uka o te Pipiria. O ai ho’i toitoi matou? No te aha matou e haka’ite to matou tuta’i’ia ia tahipito?

E enana hakâtu matou me tahipito. Mea ke ho’i to matou hakâtu pohu’e’ia no te enana me te tupu’ia titahi i titahi. E ha’ati’a ke tomua to titahi, ‘a’o’e i ha’ati’a i te Etua no tahipito. I tenei, ua ‘i’o matou e Ite no Iehova. E tapi’i matou paotu i te ava no te tiohi toitoi i te tau hakako’ia Pipiria. (Hana 17:11) Ua ha’ati’a matou i te tau mea i hakako ‘ia mai. Ua vae matou ‘ia atoratio anaiho ‘ia Iehova to matou Etua.

Te ha’anui nei matou i te taetae no te hakako’ia Pipiria. E kohi’i, e ‘i’i ko’e to matou, me te tau enana paotu. Ma te ha’ahana i te tau tumu tekao Pipiria, e ‘ite matou i titahi pohu’e’ia meita’i atu. (Taramo 128:1, 2) No keina ho’i matou e haka’ite ‘ia titahi i te tau tekao kanahau i ‘oto i te Pipiria.

Me io te Etua to matou taetae. E toko tenei tau taetae Pipiria i te enana ‘ia koakoa, ‘ia pakaihi ia titahi, ‘ia ha’ahana i te tau meita’i me te toitoi, te mata vai’ei. ‘Ia ‘i’o ho’i e enana kaituto meita’i me te kave i te hana, ‘ia ha’auo i te tuta’i’ia hua’a ha’e me te mea meita’i. Mea toitoi “e ore te Atua e haapao i te huru o te taata.” ‘Atika, e hua’a taetae i te aoma’ama matou ‘a’o’e ho’i e tiohi i te ati. E katahi matou ma ‘oto to matou ha’ati’a. E enana hakâtu matou me tahipito a ko’e ‘a e tahi mata’eina’a matou.—Hana 4:13; 10:34, 35.

  • E aha ta te tau Ite no Iehova e hakâtu me te enana paotu?

  • E aha te tau taetae ta te tau Ite no Iehova i hakako mei ‘oto i te Pipiria?