Aller au contenu

Aller au sous-menu

Aller au sommaire

Te tau Ite no Iehova

Marquisien (Nuku Hiva)

O ai te hana nei i te makimaki ‘a Iehova i tenei ‘a?

 HAKAKO’IA 11

No te aha matou e he’e ai i te tau motuhaka Kiritiano?

No te aha matou e he’e ai i te tau motuhaka Kiritiano?

Mexique

Allemagne

Botswana

Nicaragua

Italie

No te aha tenei po’i e koakoa ai? No te mea ena atou io titahi motuhaka Kiritiano. Ua pe’au te Etua i ta ia tau tavini i ‘omua ‘ia ha’aputuputu e to’u ava i te ehua. E tiaki nei matou me te kokouo ta matou motuhaka Kiritiano. (Teuteronomi 16:16) E vai a’a e ‘ua motuhaka Kiritiano vi’ipu e tahi ‘a, e tahi motuhaka Kiritiano e to’u ‘a. E aha te tau meita’i e koaka mai me io tenei tau motuhaka Kiritiano?

E ha’atata atu to matou kiti’i hua’a ha’e Kiritiano. Ati’i me te koakoa ‘a Iraere i te hahi ‘ia Iehova “i roto i te mau amuiraa,” e koakoa nei matou kotoa i te atoratio ‘ia ia i te tau motuhaka Kiritiano. (Taramo 26:12; 111:1) E koakoa ho’i matou ‘ia ‘ite i te tau Ite no Iehova mei titahi atu tau ha’e putuputu’ia Kiritiano, no te tau motu a ko’e ‘a no te henua ke, no te tutuki me te ha’ahoa atu. I te oatea nui, e kaikai matou i te vahi motuhaka Kiritiano, e ‘i’o atu ai tenei tau ava e mea koakoa. (Hana 2:42) Mei ‘ei’a matou e ‘ite ai i te kaoha tei tuta’i i to matou “hui taeae” i te aoma’ama nei.—1 Petero 2:17.

E ha’a’oko ‘ia matou i te keke kuhane. E koakoa te tau Iraere i te ‘ite’ia te tau Patu te ha’avivini’ia ‘ia atou. (Nehemia 8:8, 12) Me atou, e ha’atahia nei matou i te hakako’ia Pipiria i tuku’ia mai i ta matou motuhaka Kiritiano. E ma’akau tumu tekao Pipiria i te’a tau motuhaka Kiritiano. Ma te tau tekaotekao ha’auo me te tau tekaotekao hope’ia, e ‘ite ai matou pehea ‘ia hana i te makimaki o te Etua. E vai nei te tau ha’akeu’ia me titahi tau mea i tupu i ‘oto te pohu’e’ia i te ‘a paotu. A ha’auo te tau haka’ite a te tau Kiritiano i tenei tau ava kohi’i. I te tau motuhaka Kiritiano e to’u ‘a, e haka’ite’ia mai te tau keu’ia ata Pipiria no te hakako ‘ia matou. I te ia motuhaka i te ia motuhaka, e papatema’ia i te tau po’i i tuku i to atou pohu’e’ia i te Etua.

  • No te aha te tau motuhaka Kiritiano e ava koakoa no matou?

  • E aha te meita’i e koaka mai ‘ia he’e atu ‘oe io titahi motuhaka Kiritiano?