Aller au contenu

Aller au sous-menu

Aller au sommaire

Te tau Ite no Iehova

Marquisien (Nuku Hiva)

O ai te hana nei i te makimaki ‘a Iehova i tenei ‘a?

 HAKAKO’IA 22

E aha te hana i ‘oto e tahi makamaka?

E aha te hana i ‘oto e tahi makamaka?

Îles Salomon

Canada

Afrique du Sud

Mea nui te tau hana a te hua’a ha’e no te Petere, te ha’apa’o i te hana ha’atuhuka’ia no titahi henua a ko’e ‘a ‘uka atu. Ena me te hu’i’ia ‘eo, te ‘o’omi’ia, te kanea’ia hamani, te vahi kave’ia hamani, te vahi kanea’ia video, ena haka’ua atu.

E ha’aputuputu i ta matou hana ma ‘oto e tahi tomite makamaka. Ua ha’ahei’ia te Nino a’ahi e tahi tomite makamaka, e to’u hamua ako a ko’e ‘a ‘uka atu. E haka’ite tenei tomite i te Nino a’ahi i te tau meita’i o te hana ha’atuhuka’ia i te henua i ta atou e ha’apa’o nei me te tau kohi’i paotu. Me tenei tau kave tekao, e koaka te Nino a’ahi e hakapahi te tau tumu tekao a tiohi i ‘oto i te tau hamani haka’ite’ia, te tau putuputu’ia Kiritiano me te tau motuhaka Kiritiano i mua nei. E kave’ia titahi tau enana haka’ite me io te Nino a’ahi no te tiohi i tenei tau makamaka me te toko i te tau tomite makamaka no te amo i to atou hana. (Toumaki 11:14) E ha’apeipei titahi enana haka’ite me io te vahi noho’ia ka’uo’o e tahi tekao haka’ite ke atu. E tuku ia e tahi tekao Pipiria no te ha’auo i te tau tu’ane me te tuehine o te henua.

E toko no te tau ha’e putuputu’ia Kiritiano. I te makamaka, e vai nei te tau hamua e ha’ati’a nei i te kanea’ia o te tau ha’e putuputu’ia Kiritiano hou, e vivini i te hana a te tau pionie, a te tau mitinane me te tau tiaki Kiritiano vi’ipu. E ha’apeipei atou i te tau motuhaka Kiritiano, te kanea’ia i te tau Ha’e o te Patireia, te pahi’ia o te tau hamani haka’ite’ia no te tau ha’e putuputu’ia Kiritiano no to atou makimaki. Paotu te hana i hana’ia i ‘oto i te makamaka, no te ha’ameita’i i te hana ha’atuhuka’ia.—1 Korinetia 14:33, 40.

  • Pehea te tau tomite makamaka e toko a’a i te Nino a’ahi?

  • E aha te hana a te makamaka?