Aller au contenu

Aller au sous-menu

Aller au sommaire

Te tau Ite no Iehova

Marquisien (Nuku Hiva)

O ai te hana nei i te makimaki ‘a Iehova i tenei ‘a?

 HAKAKO’IA 6

No te aha mea hei ‘ia katahi matou me te tau tu’ane me te tuehine?

No te aha mea hei ‘ia katahi matou me te tau tu’ane me te tuehine?

Madagascar

Norvège

Liban

Italie

E aha ‘a ma ‘oto i te eita, e he’e hoa te tau Ite no Iehova i to atou tau putuputu’ia Kiritiano. E aha ‘a te ua me te metaki oko, te kohi’i o te pohu’e’ia a ko’e ‘a te pa’opa’o o te hana, e oho atou i te ‘i’i no te ha’aputuputu me to atou tau tu’ane me te tuehine. No te aha ‘oa?

No to matou meita’i. Ua patu Pauro a “haapao maite” te tau tu’ane me te tuehine o te ha’e putuputu’ia Kiritiano “te tahi i te tahi.” (Heperero 10:24) Te ha’auo mai te apotoro ‘ia aukuha titahi i titahi. ‘Ia ha’ahani ‘oe me titahi tau tu’ane me te tuehine, e ‘ite ‘oe pehea ua koaka ‘ia atou ‘ia tu’aki i te tau kohi’i o te pohu’e’ia. E koaka atou e toko mai ‘ia ‘oe.

E hoa ‘a’o’e e pao. E katahi nei matou me te tau hoa ka’uo’o i ta matou tau putuputu’ia Kiritiano, i titahi tau ava ke, no te ha’akoakoa i ‘oto i te mo’u. E aha te koaka mai? E koaka ‘ia ‘oe ‘ia ha’ataetae me titahi i ‘oto te kaoha. ‘Atika, ‘ia kohi’i to matou tau tu’ane me tuehine, e toko matou ‘ia ia no te mea e hoa ka’uo’o no matou. (Toumaki 17:17) Ma te he’e i te kaokao o titahi tau tu’ane me te tuehine, te ‘haapao nei ïa matou te tahi i te tahi.’—1 Korinetia 12:25, 26.

E ha’auo matou ‘ia ‘oe ‘ia vae me te tau Ite no Iehova e ha’ahana nei i te makimaki o te Etua, e aha ‘a te tau kohi’i. ‘A’o’e he mea e pakeka ‘ia ‘oe ‘ia tutuki me matou!

  • No te aha mea hei ‘ia katahi matou i te tau putuputu’ia?

  • Ena oti me te ‘a e makimaki uanei ‘oe ‘ia he’e mai i ta matou ha’e putuputu’ia Kiritiano?