Aller au contenu

Aller au sous-menu

Aller au sommaire

Te tau Ite no Iehova

Marquisien (Nuku Hiva)

O ai te hana nei i te makimaki ‘a Iehova i tenei ‘a?

 HAKAKO’IA 13

E aha te pionie?

E aha te pionie?

Canada

I te ia ha’e i te ia ha’e

Hakako’ia Pipiria

Hakako’ia ti’itahi

Te tau po’i a’ama ma te tau henua hou no te haka’ite ia tahipito tau po’i ke, e ta’a’ia atou e “pionie.” Ati’i Ietu. Ua pahi’ia mai ia i ‘uka o te henua nei no te kave i titahi tekao pohu’e’ia no te ha’apohu’e i te tau enana. (Mateo 20:28) Ma ‘ei’a, e hana ta ia tau kou’a ati’i i te tau ava paotu: ‘ia ha’a’i’o i te enana e kou’a no Ietu. (Mateo 28:19, 20) Ua to’o tahipito tau po’i Ite no Iehova i titahi ha’atuhuka’ia ta’a’ia e pionie.

E enana ha’atuhuka i te tau ava paotu. E po’i ha’atuhuka i te evanerio te tau Ite no Iehova paotu. Ua ha’atoitoi tahipito i to atou pohu’e’ia no te ha’atuhuka e 70 hora ma he me’ama. Ua ta’a’ia atou e pionie mau ananu. No te ha’atihe atu, mea nui e hana hope’a. ‘Atika tahipito, ua to’o atou i te pionie ke atu i te tau henua ke no te mea ‘a’o’e e nui te po’i ha’atuhuka’ia, no te haka’ite i te tau tekao hou i ‘uka o te Patireia. E ha’atuhuka atou 130 hora a ko’e ‘a ma ‘uka atu ma he me’ama. E pohu’e nei atou ma he koekoe toitoi. Te koakoa nei atou, e toko Iehova ‘ia atou no to atou makimaki. (Mateo 6:31-33; 1 Timoteo 6:6-8) No tahipito tau tu’ane me te tuehine, e koaka ‘ia atou e ha’atuhuka e 30 a ko’e ‘a 50 hora ma he me’ama. Ua ta’a’ia atou e pionie toko.

Mea tahia na ia i te Etua me te tau enana. Mei Ietu e ‘ite matou mea nui te tau po’i e makimaki ‘ia ‘ite i te Etua. (Mareko 6:34) E koaka matou e toko ‘ia atou i tenei ‘a ma te haka’ite i te tata’i’ia me io te Etua no to ia kaoha i te enana. E tuku titahi pionie i ta ia hora no te haka’ite atu i te evanerio. (Mateo 22:39; 1 Tetaronika 2:8) E ‘i’i atu to ia tiatohu. E tapi’i’ia me te Etua me te pohu’e’ia koakoa.—Hana 20:35.

  • E aha te pionie?

  • No te aha tahipito e ha’atuhuka me he pionie?