Aller au contenu

Aller au sous-menu

Aller au sommaire

Te tau Ite no Iehova

Marquisien (Nuku Hiva)

O ai te hana nei i te makimaki ‘a Iehova i tenei ‘a?

 HAKAKO’IA 28

E aha e koaka ai i ‘uka te taha Internet?

E aha e koaka ai i ‘uka te taha Internet?

France

Pologne

Russie

Ua pe’au Ietu Kirito i ta ia tau kou’a: “To outou maramarama, ia anaana ïa i mua i te aro o te taata nei, ia hi‘o ratou i ta outou parau maitai, e ia haamaitai i to outou Metua” i te aki. (Mateo 5:16) No keina matou e ha’ahana meita’i i te tau hana ‘o’o ui’a hou, me te Internet. Te ha’avivini nei ta matou taha Internet jw.org i te tau ha’ati’a me te tau hana a te tau Ite no Iehova. E aha te mea e koaka i ‘uka i tenei taha?

Pahono’ia Pipiria i te tau ui’ia o ta ‘oe i hani. E ‘ite ‘oe i te pahono’ia i te tau ui’ia hohonu a te enana. Mehe tau kakaiu hamani E ko’e nui uanei te mamae? me te E pohu’e haka’ua uanei te po’i mamate? e koaka ‘ia ‘oe i ‘uka ta matou taha Internet ma ‘uka a’e 600 ‘eo ke. E ‘ite ‘oe i te Traduction du monde nouveau ma ‘oto 130 ‘eo ke, i titahi tau hamani hakako’ia Pipiria mei te hamani Qu’enseigne réellement la Bible?, La Tour de Garde me te Réveillez-vous! hou. E koaka ‘ia ‘oe e tatau a ko’e ‘a e haka’oko i te nui’ia hamani haka’ite’ia i ‘uka ta matou taha Internet a ko’e ‘a e to’o me te tuku ia atou i ‘oto MP3, PDF a ko’e ‘a EPUB. E koaka ‘ia ‘oe e ‘o’omi i titahi tau tapa hamani i ‘oto i titahi ‘eo ke no titahi enana. E vai nei te tau video ma ‘oto te nui’ia ‘eo ‘i’ima. E koaka ‘ia ‘oe e to’o i te tau tatau’ia me te keu’ia ata Pipiria, me te tau himene konini o te Patireia.

Ha’avivini’ia toitoi i ‘uka o te tau Ite no Iehova. E vai nei te tau tekao hou me te tau video i ‘uka i ta matou tau hana i te aoma’ama vi’ipu, te tau kohi’i i koaka te tau Ite no Iehova me ta matou tau hana toko. E vai nei te tau tekao haka’ite’ia i ‘uka i te tau makamaka e tupu i te tau ha’avivini’ia i ‘uka i ta matou tau motuhaka Kiritiano.

Ma te nei hana e haka’ite i te ‘ite o te tekao tiatohu o te tau vahi mamao i te henua. Te koakoa nei te tau enana me te tau henua ka’uo’o i ta matou hana, tihe atu i te henua Antarctique. E pure nei matou “ia parare oioi noa te parau a te Atua” i ‘uka o te henua no te hahi ‘ia Iehova.—2 Tetaronika 3:1, Te Bibilia Mo’a V.C.J.S. (1976)

  • Pehea te taha jw.org e toko ai ‘ia matou no te haka’ite i te tekao tiatohu Pipiria?

  • E aha ta ‘oe e makimaki e tiohi i ‘uka ta matou taha Internet?