Aller au contenu

Aller au sous-menu

Aller au sommaire

Te tau Ite no Iehova

Marquisien (Nuku Hiva)

O ai te hana nei i te makimaki ‘a Iehova i tenei ‘a?

 HAKAKO’IA 15

E aha te hana a te tau hamua i ‘oto i te tau ha’e putuputu’ia Kiritiano?

E aha te hana a te tau hamua i ‘oto i te tau ha’e putuputu’ia Kiritiano?

Finlande

Hakako’ia

Toko to’otahi

Ha’atuhuka’ia

I ‘oto i to matou ha’e putuputu’ia Kiritiano, ‘a’o’e e pupu mitinane me te utu’ia. Ena me te tau enana tiaki i te ha’e putuputu’ia Kiritiano, hakâtu i te tai ‘omua. (Hana 20:28) No te vivini me te toko i te tau tu’ane me te tuehine, e hana atou i te hana ape’ia, “eiaha ra no te faaueue, no te hinaaro râ; eiaha no te tao‘a tia ore ra ia noaa, no te tae mau râ o te aau.” (1 Petero 5:1-3) E aha ‘oa to atou hana?

E toko me te apu’u ‘ia matou. Me ta te Pipiria, e a’ahi, e toko me te apu’u te tau hamua i te tau tu’ane me te tuehine ‘ia tapi’i matou me Iehova. No te mea na te Etua i tuku mai i tenei hana, ‘a’o’e atou e vivini hauhau i ta Iehova mata’eina’a. E hana atou no to matou meita’i me te koakoa. (2 Korinetia 1:24) Me titahi enana tiaki e ha’apa’o meita’i i ta ia tau muto, e ha’ahani te tau hamua i te ‘ite me titahi muto o te ha’e putuputu’ia Kiritiano.—Toumaki 27:23.

E hakako mai atou pehea ‘ia hana i te makimaki o te Etua. I te tau ‘atapu paotu, e vivini te tau hamua i te tau putuputu’ia Kiritiano no te ha’ahe’o i to matou ha’ati’a. (Hana 15:32) E oho atou i te ‘i’i i ‘oto i te hana ha’atuhuka’ia me te ha’apeipei ‘ia matou i ‘oto i te tau hakâtu ke o te ha’atuhuka’ia.

E ha’auo atou ‘ia matou. ‘Ia tapi’i i to matou kiti’i meita’i a’e me Iehova e tekaotekao te tau hamua ‘ia matou a ko’e ‘a e he’e mai ‘io matou no te ha’auo me te toko mai ‘ia matou ma te Pipiria.—Iakopo 5:14, 15.

Mea nui te hana a te tau hamua i ‘oto i te tau ha’e putuputu’ia Kiritiano. Ma ‘uka atu, e hana to atou, e hua’a ha’e to atou. E to’o atu to atou ava me to atou ha’ataetae. Mea hei ‘ia ha’apakaihi ‘ia atou no to atou hana ka’uo’o.—1 Tetaronika 5:12, 13.

  • E aha te hana a te tau hamua i ‘oto i te tau ha’e putuputu’ia Kiritiano?

  • Pehea e ha’apa’o mai atou ‘ia matou?