Aller au contenu

Aller au sous-menu

Aller au sommaire

Te tau Ite no Iehova

Marquisien (Nuku Hiva)

O ai te hana nei i te makimaki ‘a Iehova i tenei ‘a?

 HAKAKO’IA 23

Pehea ta matou tau hamani haka’ite’ia e patu’ia me te hu’i’ia?

Pehea ta matou tau hamani haka’ite’ia e patu’ia me te hu’i’ia?

Vahi hana’ia no te patu’ia, États-Unis

Corée du Sud

Arménie

Burundi

Sri Lanka

No te mea e haka’ite nei matou i te evanerio i ‘te mau fenua, opu, reo e nunaa atoa,’ e ‘o’omi nei matou i te tau hamani haka’ite ma ‘uka e 750 ‘eo. (Apokarupo 14:6) ‘A’o’e ho’i e hana ma’eka! Te toko mai te tau tu’ane me te tuehine no te hu’i’ia i ‘oto i te ‘eo ke, me titahi pupu enana hu’i’ia ‘eo no te tau henua paotu. E Ite no Iehova atou paotu.

E ha’apeipei te tau tumu tekao ma ‘oto i te ‘eo Peketane. I te vahi noho’ia ka’uo’o, e vivini te Nino a’ahi no te hana patu’ia. Te ha’ahei nei tenei hana no te tiohi i te tau hana a te tau enana patu i ‘oto i te vahi noho’ia ka’uo’o me te tau makamaka. No te mea ua nui te tau enana patu e koaka matou e ha’apeipei i te tau tumu tekao no te tau po’i o te tau henua paotu.

E ha’ahe’e te tumu tekao i te tau po’i hu’i’ia ‘eo. Ma hope te to’o’iho, e ha’ahe’e te tau tumu tekao ma ‘oto te ‘o’o ui’a i te tau enana hu’i’ia ‘eo i te aoma’ama nei. E hu’i’ia, e tiohi’ia, e tatau atou i to atou ha’ahu’i’ia tekao. E vae atou i te meita’i i te tau mea e hei no te hu’i’ia me te ma’akau toitoi o te ‘eo peketane ma ‘oto to atou ‘eo.—Kohereta 12:10.

Mea koi te hana a te maihini ‘o’o ui’a. ‘A’o’e e koaka i titahi maihini ‘o’o ui’a e mono i te enana patu me te enana hui’ia ‘eo. Au’a e te tau hamani ha’avivini’ia pona tekao me te tau maihini ‘o’o ui’a, e koi atu te hana no te hu’i’ia ‘eo. E ha’amau te tau Ite no Iehova i te vi’i apu ‘o’o ui’a no te tau hamani ‘o’omi’i’ia i ‘oto i te nui’ia ‘eo, te MEPS, no te ha’apei i te tau patu’ia i ‘oto te nui’ia ‘eo, no te ha’ahei te tau ata e hei me te ha’apei no te ‘o’omi’ia.

E hana nei matou me te tau ‘eo e tekaotekao nei na te mirioni enana. No te aha? Te makimaki ho’i ‘o Iehova ‘ia pohu’e te tau enana paotu me te ‘ite i te tekao tiatohu.—1 Timoteo 2:3, 4.

  • Pehea ta matou tau hamani haka’ite’ia e patu’ia ai?

  • No te aha e hu’i’ia ma ‘oto te nui’ia ‘eo?