Aller au contenu

Aller au sous-menu

Aller au sommaire

Te tau Ite no Iehova

Marquisien (Nuku Hiva)

O ai te hana nei i te makimaki ‘a Iehova i tenei ‘a?

 HAKAKO’IA 14

E aha te hakako’ia Pipiria no te tau pionie?

E aha te hakako’ia Pipiria no te tau pionie?

États-Unis

Hakako’ia Pipiria no Gileada, Patterson, New York

Panama

Mea ‘oa te hakako’ia Kiritiano ua ‘i’o e tahi hakâtu no te tau Ite no Iehova. E hakako’ia ke no te ha’avivini i te tau po’i e hakako uanei te Pipiria ma te tau ava paotu, e koaka ‘ia atou e kave tihe i te pao’ia i to atou ha’atuhuka’ia.—2 Timoteo 4:5.

Hakako’ia no te tau pionie. ‘Imu’iho e tahi ehua ha’atuhuka’ia pionie, e vai nei i titahi hakako’ia Pipiria no te pionie mau ananu, e ono ‘a i ‘oto i titahi Ha’e o te Patireia tata me ia. E toko tenei hakako’ia Pipiria i te tau pionie no te ha’atata atu me Iehova, ‘ia oho atou i te ‘i’i i ‘oto te nui’ia hakâtu o te ha’atuhuka’ia me te ha’amau i ‘oto i ta ia hana.

Hakako’ia no te tau enana ha’atuhuka i te tekao hou koakoa o te Patireia. E ha’apeipei tenei hakako’ia, e ‘ua me’ama, i te tau pionie ‘ako ‘ia titi’i i to atou henua no te ha’atuhuka io te tau vahi i kave’ia atou. E pe’au a’a atou: “Inaha, teie au; o vau ta oe e tono.” Te hana atou ati’i mei Ietu Kirito, te ha’atuhuka ka’uo’o i te tekao hou koakoa i ‘uka o te henua nei. (Itaia 6:9; Ioane 7:29) ‘Ia he’e mamao ‘oe me io ‘oe, ‘a’o’e ho’i e hana ma’eka. E hakako ‘oe i titahi hakâtu pohu’e’ia, i titahi ha’aenana tumu, titahi hakâtu o te aki, titahi kaikai me titahi ‘eo ke. Tenei hakako’ia no te tau tu’ane me te tuehine to’otahi a ko’e ‘a matiri’ia, me io te 23 ehua tihe atu 65 ehua. E toko ‘ia atou ‘ia ha’ahana i te tau meita’i me io te Etua no to atou ha’atuhuka’ia. E ha’ahana atou i te koekoe ma’ama no te ha’ameita’i na Iehova me to ia ha’aputuputu’ia.

Hakako’ia Pipiria no Gileada. E “Ite” te ha’avivini i te ponatekao “Gileada” ma ‘oto i te ‘eo Heperero. Mei to ia ha’amata’ia i te ehua 1943, ‘uka atu i te 8 000 mitinane o te hakako’ia no te ha’atuhuka “e tae noa ’tu i te hopea o te fenua.” (Hana 13:47) I to atou tihe’ia i te henua Pérou, ‘a’o’e he mea i te ha’e putuputu’ia Kiritiano. I tenei ‘a, ‘uka atu i te 1 000. I te ha’amata’ia i to matou tau mitinane i te ha’atuhuka i te henua Japon, ma’a’o te 10 Ite no Iehova. I tenei ‘a, ‘uka atu i te 200 000. I te hakako’ia no Gileada e ima me’ama e hakako’ia hohonu i te Tekao o te Etua. E ke’e’e nei te tau pionie ke atu, te tau mitinane, te tau tu’ane me te tuehine o te ha’e o te Etua, pe’au’ia te Petere. Ati’i no te tau tiaki Kiritiano vi’ipu me to atou vehine. E ha’apeipei meita’i ‘ia atou no te kave i te tau tekao toitoi no te hana Kiritiano i te aoma’ama.

  • E aha te tupu i ‘oto te Hakako’ia no te tau pionie?

  • No ai te Hakako’ia no te tau enana ha’atuhuka i te tekao hou koakoa o te Patireia?

No te ‘ite haka’ua atu

DOCUMENTARIES

Te tau Ite no Iehova: Ha’aputuputu’ia no te haka’ite te tekao hou meita’i

‘Io he aoma’ama, e ‘ite’ia te tau Ite no Iehova no ta atou tekao haka’ite’ia atu o te hakako’ia Pipiria. Pehea e ha’aputuputu’ia ta atou hana, e vivini’ia me te utu’ia?