Aller au contenu

Aller au sous-menu

Aller au sommaire

Te tau Ite no Iehova

Marquisien (Nuku Hiva)

O ai te hana nei i te makimaki ‘a Iehova i tenei ‘a?

 HAKAKO’IA 25

No te aha me pehea e kanea’ia i te tau Ha’e o te Patireia?

No te aha me pehea e kanea’ia i te tau Ha’e o te Patireia?

Bolivie

Nigéria, ma mua e ma hope mai

Tahiti

E pe’au’ia Ha’e o te te Patireia no te mea o te Patireia o te Etua te hakako’ia Pipiria toitoi, te’a ho’i te tumu o te ha’atuhuka’ia ‘a Ietu.—Ruka 8:1.

E vahi no te atoratio tiatohu. I te Ha’e o te Patireia e ha’apei’ia te tau Ite no Iehova no te ha’atuhuka’ia ‘io atou. (Mateo 24:14) Mea nui te tau kanea’ia ke me te tau ha’ahe’e’ia ke a te tau Ha’e o te Patireia, ‘atika mea hei pu. Mea nui te tau Ha’e o te Patireia e ‘uka atu e tahi ha’e putuputu’ia Kiritiano te katahi nei i ‘oto. I te tau ehua i pao nei, no te ha’anui’ia i te tau ha’e putuputu’ia Kiritiano, ua kanea matou ‘uka atu e onohu’u tautini Ha’e o te Patireia, e ima ma te ‘a. Pehea ‘oa?—Mateo 19:26.

Ma ‘oto te moni tuku pu. E kave’ia te nui’ia moni tuku pu i te tau makamaka no te ha’ahe’e’ia io te tau ha’e putuputu’ia Kiritiano e makimaki a’a e kanea a ko’e ‘a e ha’ahou i to atou Ha’e o te Patireia.

Ma te tau ‘ima toko a te tau tu’ane me te tuehine, ‘a’o’e e utu’ia. I ‘oto i te nui’ia henua, ua ha’ahei’ia te tau pupu no te kanea’ia i te tau Ha’e o te Patireia. E tu’ane me te tuehine vae’ia atou tapi’i atu me te tau ‘ima toko. E he’e nei atou me io titahi ha’e putuputu’ia Kiritiano io titahi, tihe atu i te tau vahi mamao, no te toko i to atou tau hoa hua’a ha’ati’a. I titahi tau henua, na tahipito tau Ite me to atou ‘ako e ha’apei nei i te kanea’ia me te ha’ahou’ia i te tau Ha’e o te Patireia i titahi vahi ha’ahei’ia. Na te tau Ite o te henua e hana i te tau hana ka’uo’o. Ma ‘oto te kuhane meita’i ‘a Iehova me te ha’a’i’i a te mata’eina’a e tupu hoa tenei tau hana.—Taramo 127:1; Koroha 3:23.

  • No te aha ta matou vahi putuputu’ia Kiritiano e pe’au’ia Ha’e o te Patireia?

  • Pehea e kanea matou i ta matou tau Ha’e o te Patireia i te aoma’ama vi’ipu?