Aller au contenu

Aller au sous-menu

Aller au sommaire

Te tau Ite no Iehova

Marquisien (Nuku Hiva)

O ai te hana nei i te makimaki ‘a Iehova i tenei ‘a?

 HAKAKO’IA 21

E aha te Petere?

E aha te Petere?

Vahi hana’ia i te tau ata, États-Unis

Allemagne

Kenya

Colombie

E Ha’e o te Etua te ha’avivini o te pona tekao Petere i ‘oto i te ‘eo Heperero. (Tenete 28:17, 19) Mea hei tenei ikoa no te tau ha’e a te tau Ite no Iehova i ha’atû i te aoma’ama vi’ipu no te a’ahi me te toko i te hana ha’atuhuka’ia. Mei te vahi noho’ia ka’uo’o i te henua États-Unis, te vivini nei te Nino a’ahi i ‘uka i te hana a te tau makamaka i ‘oto te nui’ia henua. Te tau po’i i hana nei i ‘oto te tau makamaka ‘o atou te hua’a ha’e no te Petere. Ati’i me titahi hua’a ha’e, e pohu’e nei me te kaikai kotoa. E hakako atou i te Pipiria ma te tuta’i’ia.—Taramo 133:1.

E tahi vahi no te tavini’ia a te hua’a ha’e no te Petere. I te tau Petere paotu, e vai nei te tau vahana me te vehine Kiritiano e to’o nei ma te ha’auo oko i te makimaki o te Etua me te toko i te tau hana o te Patireia. (Mateo 6:33) ‘A’o’e atou e utu’ia, ‘atika e vahi noho’ia to atou, e kaikai me titahi kaiu moni no to atou tau ha’amau’a’ia. Ua ha’ahei’ia te hana no atou paotu: i ‘oto te tau pa’oto hana, i ‘oto te ha’e kuki, i te tau vahi kaikai, i te tau vahi ‘o’omi’ia hamani, i te vahi kanea’ia hamani, i te vahi ha’aporopa’ia, i te vahi pua’ia kahu, ena haka’ua atu.

E tahi vahi hana’ia me te toko i te ha’atuhuka’ia i te Patireia. Te makimaki’ia ‘omua i ‘oto i te tau Petere paotu, ‘ia ‘ite me te kave atu i te tau tekao tiatohu a te Pipiria. A tiohi atu i tenei kaiu hamani. Ua patu’ia ma ‘oto te vivini’ia a te Nino a’ahi, ha’ahe’e’ia ma ‘oto i te ‘o’o ui’a e hanere pupu enana hu’i’ia ‘eo, ‘o’omi’ia titahi tau Petere mahe maihini mea koi i te ‘o’omi, ha’ahe’e’ia io te tau ha’e putuputu’ia Kiritiano ‘uka atu e 110 000. I ‘oto i tenei tau ui’ia hana, te toko nei te hua’a ha’e no te Petere no te hana ha’atuhuka i te evanerio. E hana kokouo ho’i tenei.—Mareko 13:10.

  • O ai te tavini i ‘oto i te Petere, e utu’ia uanei ‘ia atou?

  • E aha te hana kokouo ta te Petere e toko a’a?