Aller au contenu

Aller au sous-menu

Aller au sommaire

Te tau Ite no Iehova

Marquisien (Nuku Hiva)

O ai te hana nei i te makimaki ‘a Iehova i tenei ‘a?

 HAKAKO’IA 10

E aha te atoratio hua’a ha’e?

E aha te atoratio hua’a ha’e?

Corée du Sud

Brésil

Australie

Guinée

Mei ‘omua mai to Iehova makimaki’ia ‘ia katahi te tau hua’a ha’e no te ha’ahe’ohe’o i to atou kiti’i me ia ati’i titahi i titahi. (Teuteronomi 6:6, 7) No keina, e apu’u te tau Ite no Iehova e tahi ava i ‘oto te ‘atapu no te atoratio hua’a ha’e. E tekaotekao atou i ‘uka te tau mea keke kuhane e hei meita’i me ta atou i makimaki. E aha ‘a to’otahi ‘oe, e koaka ‘ia ‘oe e avai i hua ava nei no te atoratio i te Etua ma te hakako e tahi tumu tekao Pipiria ta ‘oe e vae.

E tahi ava no te ha’atata atu me Iehova. Va’ana te Iakopo 4:8: “A ha’atata atu me te Etua, e tata mai ia me otou.” Ma te hakako i ‘oto te Pipiria i to ia hakâtu me ta ia tau hana, e ‘ite meita’i ai matou ‘ia Iehova. Ma ‘ei’a mea ha’ama’eka no te ha’amau i te atoratio hua’a ha’e ma te tatau ha’a’oko i te Pipiria. E koaka ‘ia ‘oe e to’o i te tekao haka’ite atu o te putuputu’ia Pohu’e’ia me te ha’atuhuka’ia Kiritiano. E koaka e tahi enana mei ‘oto to ‘oe hua’a e tatau e tahi hope, a tekaotekao atu otou paotu i ta otou i hakako mai.

E tahi ava e ha’atata atu me te hua’a ha’e. E ha’atata atu te vahana me ta ia iho vehine, te motua me te kui me tau tama titahi i titahi, ‘ia hakako kotoa atou i te Pipiria. E ha’a’i’o te hua’a ha’e paotu e ava koakoa me te mo’u tiaki’ia poponiho’o paotu i te ‘atapu. E koaka e ha’ahiti pona e tahi kohi’i i tupu a’a i ta atou ha’e hamani me te ha’ako’e atu i tenei kohi’i. E vae te motua me te kui i te tau tumu tekao e hei mei ‘oto i La Tour de Garde, te Réveillez-vous! a ko’e ‘a te taha Internet jw.org. A ko’e ‘a e ti’ohi atou e tahi tekao haka’ite atu i ‘uka JW Puho ata haka’ite’ia (tv.jw.org), ‘imu’iho e katahi atou no te tekaotekao. E au tahipito ‘ia himene atou i te tau himene no te tau putuputu’ia Kiritiano ma te ‘atapu. I mu’i mai te atoratio hua’a ha’e, e koakoa atou e inu me te kaikai.

E toko tenei ava, ha’ahei’ia paotu i te ‘atapu, i te hua’a ha’e no te atoratio ‘ia Iehova i ‘oto i te ‘eka’eka no te hakako i te Pipiria. E ha’ameita’i’ia i to ‘oe haka’oko’ia.—Taramo 1:1-3.

  • No te aha matou e apu’u i te ava no te atoratio hua’a ha’e?

  • Pehea te tau motua e ha’a’i’o ai tenei ava e mea koakoa no te hua’a ha’e paotu?