Aller au contenu

Aller au sous-menu

Te tau Ite no Iehova

Marquisien (Nuku Hiva)

E pohu’e haka’ua uanei te po’i mamate?

E pohu’e haka’ua uanei te po’i mamate?

E pe’au uanei ‘oe . . .

  • e?

  • ‘a’o’e?

  • e oti?

 PAHONO’IA A TE PIPIRIA

“Ena e tahi pohue’ia haka’ua.”—Hana 24:15, Traduction du monde nouveau.

E AHA TE HA’AVIVINI NO ‘OE?

Te ha’aeka’eka ‘ia mate tei kaoha’ia.—2 Korinetia 1:3, 4.

Te ha’ako’e’ia o te ha’ameta’u o te mate.—Heperero 2:15.

Te tata’i’ia no te ha’atutuki haka’ua me te po’i tahia i mate.—Ioane 5:28, 29.

 E KOAKA UANEI TE HA’ATI’A I TE TEKAO A TE PIPIRIA?

E, e to’u ma’akau:

  • O te Etua te tumu o te pohu’e’ia. Va’ana te Pipiria, ‘o Iehova “te tumu o te pohu’e’ia.” (Taramo 36:9; Hana 17:24, 25) Me te mea na Ia i pepena te mea paotu e koaka ‘ia ia e ha’apohu’e mai te po’i mamate.

  • ‘Omua, ua ha’apohu’e haka’ua te Etua te tau enana. Ena e va’u tekao ta te Pipiria e pe’au pohu’e haka’ua mai te po’i hou, vahana, vehine i ‘uka o te henua. Ua mate atu a’a titahi ‘atika titahi enana e ha ‘a i ‘oto o te ana!—Ioane 11:39-44.

  • E ha’akoi nei te Etua mea hua ma te tumu. Mea ha’aha’a Iehova i te mate; e enemi te mate no ia. (1 Korinetia 15:26) E ha’aka’o nui ia te mate ma ‘oto te pohu’e’ia haka’ua. E tiaki nei Iehova te ava mea ha’ahua mai te po’i i ‘oto o to ia ma’akau mea ‘ite ‘ia atou no te pohu’e haka’ua i ‘uka o te henua.—Iope 14:14, 15.

 NO TE HA’AHOHONU

No te aha tatou e ko’oua ai, e mate ai?

E pahono te Pipiria tenei ui’ia i ‘oto te TENETE 3:17-19 me te ROMA 5:12.