Aller au contenu

Aller au sous-menu

Te tau Ite no Iehova

Marquisien (Nuku Hiva)

E aha te Patireia o te Etua?

E aha te Patireia o te Etua?

No ‘oe . . .

  • e kaoha i ‘oto te houpo uanei?

  • e tekao ha’apupu’a uanei?

  • e ha’atere’ia ‘io he aki uanei?

 PAHONO’IA A TE PIPIRIA

“E ha’amau te Etua o te aki e tahi patireia ‘a’o’e e ha’ako’e’ia.”—Taniere 2:44, Traduction du monde nouveau.

“Ua tuku’ia mai titahi tama hou na tatou, me te ha’atere’ia i ‘uka o to ia pauhihi.”—Itaia 9:6, Bible de Darby.

E AHA TE HA’AVIVINI NO ‘OE?

  • E vai nei te Patireia tiatohu e tuku mai ‘ia ‘oe te tau meita’i tenei.—Itaia 48:17, 18.

  • ‘Io he aoma’ama hou, tata’ekapo, e pohu’e ‘oe me te koakoa toitoi.—Apokarupo 21:3, 4.

 E KOAKA UANEI TE HA’ATI’A I TE TEKAO A TE PIPIRIA?

E, e ‘ua ma’akau:

  • Haka’ite mai Ietu e aha ta te Patireia o te Etua e hana mai. Ua hakako Ietu i ta ia tau kou’a ‘ia pure, ‘ia tihe mai te Patireia o te Etua me to ia makimaki i ‘uka o te henua. (Mateo 6:9, 10) Ua haka’ite mai ia pehea e pahono’ia o tenei pure.

    I to ia noho’ia i ‘uka o te henua, ua hakai Ietu i te po’i oke, ha’apohu’e te tau po’i hemo mate, me te tau po’i mamate! (Mateo 15:29-38; Ioane 11:38-44) I ‘oto to Ietu ti’a’ia Hakaiki o te Patireia o te Etua, ua tuku mai ia titahi tiohi’ia kanahau oko ta tenei Patireia e tuku mai no te po’i ha’ati’a i te Etua.—Apokarupo 11:15.

  • Te tau mea e tupu nei io te aoma’ama e ha’atiatohu nei tata’ekapo te tihe mai o te Patireia o te Etua. Ua haka’ite mai Ietu, ma mua o te Patireia e ha’amau te hau i ‘uka o te henua, e tupu te tau tou’a, te tau mate oke me te tau keu’u o te henua io te aoma’ama nei.—Mateo 24:3, 7.

    E ‘ite nei tatou te tau mea e tupu nei i tenei ‘a. E ha’ati’a nei tatou tata’ekapo te Patireia o te Etua e ha’ako’e nui te tau kohi’i.

 NO TE HA’AHOHONU

Pehea te pohu’e’ia ma ‘a’o o te ha’atere’ia o te Patireia o te Etua?

E pahono te Pipiria tenei ui’ia i ‘oto te TARAMO 37:29 me te ITAIA 65:21-23.

No te ‘ite haka’ua atu

TEKAO HOU KOAKOA ME IO TE ETUA

E aha te makimaki o te Etua no te henua?

No te aha te Etua e pepena ai te henua? Ahea e ko’e ai te tau mamae? Pehea ‘ia ha’amau haka’ua te papua meita’i? O ai te pohu’e i ‘oto te papua meita’i?