Aller au contenu

Aller au sous-menu

Te tau Ite no Iehova

Marquisien (Nuku Hiva)

Pehea to tatou hua’a ha’e e koakoa ai?

Pehea to tatou hua’a ha’e e koakoa ai?

To ‘oe ma’akau ma . . .

  • te kaoha uanei?

  • te moni uanei?

  • titahi mea ke atu uanei?

 PAHONO’IA A TE PIPIRIA

“Mama’u . . . te tau po’i tei haka’oko i te tekao a te Etua me te ha’ahana ‘ia ia!”—Ruka 11:28, Bible en français courant.

E AHA TE HA’AVIVINI NO ‘OE?

Te kaoha tiatohu.—Efetia 5:28, 29.

Te pakaihi.—Efetia 5:33.

Te apu’u’ia toitoi.—Mareko 10:6-9.

 E KOAKA UANEI TE HA’ATI’A I TE TEKAO A TE PIPIRIA?

E, e ‘ua ma’akau:

  • O te Etua te tumu o te pohu’e’ia hua’a ha’e. Va’ana te Pipiria me io te Etua ‘o Iehova “te ikoa o te hua’a ha’e paotu.” (Efetia 3:14, 15, Traduction du monde nouveau) E pohu’e nei te hua’a ha’e no te mea na te Etua i Pepena. E tumu ma’akau tenei no te aha?

    A ma’akau ana: ‘ia kai ‘oe te kaikai kanahau e makimaki ‘oe e ‘ite e aha te mea i tuku’ia i ‘oto. O ai ta ‘oe e ui atu? Te enana ho’i i kanea tenei kaikai.

    Ati’i, no te ‘ite e aha te pohu’e’ia koakoa o te hua’a ha’e mea meita’i ‘ia ui atu ‘ia Iehova te tumu o te hua’a ha’e.—Tenete 2:18-24.

  • E aukuha te Etua ‘ia ‘oe. E umihi te tau hua’a ha’e te tau ‘o’onaki ‘a Iehova i ‘uka te Pipiria. No te aha? “No te mea e aukuha mai ia ‘ia otou.” (1 Petero 5:6, 7) E meita’i ananu ‘oe ‘ia aotahi ‘oe ta Iehova tau ‘o’onaki i ‘oto to ia makimaki!—Toumaki 3:5, 6; Itaia 48:17, 18.

 NO TE HA’AHOHONU

Pehea ‘ia ‘i’o e vahana matiri, vehine matiri a ko’e ‘a motua kui meita’i?

E pahono te Pipiria tenei ui’ia i ‘oto te EFETIA 5:1, 2 me te KOROHA 3:18-21.