Aller au contenu

Aller au sous-menu

Te tau Ite no Iehova

Marquisien (Nuku Hiva)

E aha te Pipiria no ‘oe?

E aha te Pipiria no ‘oe?

E pe’au uanei ‘oe . . .

  • e hamani me io te ma’ama o te enana?

  • e ha’akakai?

  • o te Tekao o te Etua?

 PAHONO’IA A TE PIPIRIA

“Te tau tekao tapu i patu’ia e ha’ama’ama’ia me io te Etua.”—2 Timoteo 3:16, Segond 21.

E AHA TE HA’AVIVINI NO ‘OE?

E ‘ite ‘oe te tau pahono’ia tiatohu o te pohu’e’ia.—Toumaki 2:1-5.

E ‘ite ‘oe te a’ahi tiatohu no te’a paotu.—Taramo 119:105.

E koaka ‘ia ‘oe te ha’ati’a tiatohu no mu’i atu.—Roma 15:4.

 E KOAKA UANEI TE HA’ATI’A I TE TEKAO A TE PIPIRIA?

E, e to’u ma’akau:

  • Te tuta’i maha’o nui. Ua patu’ia te Pipiria io te ava 1 600 ehua na te 40 enana ke, ‘a’o’e atou i tutuki. ‘Atika, mea hei to ia tuta’i’ia, e tahi tumu tekao!

  • Te haka’ite maha’o nui. E pinepine te tau enana umihi te hakana te tau teka o to atou po’i. ‘Atika, ua haka’ite te tau enana patu te Pipiria.—2 Pararipo 36:15, 16; Taramo 51:1-4.

  • Te tiatohu nui te tau tekao a te tau perofeta. Ua pe’au te Pipiria te ha’ahika’ia te mata’eina’a kakiu o Papironia tata’eka e 200 ehua mamua. (Itaia 13:17-22) Ua haka’ite’ia ahea Papironia e ha’ahika’ia ai me te ikoa o ta ia toa!—Itaia 45:1-3.

    Mea nui te tau tekao pe’au’ia ‘omua a te Pipiria tei tupu i ‘oto o te tekao hunahuna. Oi nei ha’a ta tatou e tiaki me io te Tekao o te Etua, ‘a’o’e uanei?—2 Petero 1:21.

 NO TE HA’AHOHONU

Pehea te Tekao o te Etua e ha’ameita’i to ‘oe pohu’e’ia?

E pahono te Pipiria i tenei ui’ia i ‘oto te ITAIA 48:17, 18 me te 2 TIMOTEO 3:16, 17.