Aller au contenu

Aller au sous-menu

Aller au sommaire

Te tau Ite no Iehova

Marquisien (Nuku Hiva)

A haka’oko i te Etua e pohu’e ananu oe

 HOPE 5

O ai tei haka’oko i to Etua haka’ite’ia no te vaia?

O ai tei haka’oko i to Etua haka’ite’ia no te vaia?

I te tai o Noa, ua hana te nui’ia o te enana i te hana hauhau. Tenete 6:5

Ua hanau Atamo me Eva i te tau tama. Ua nui te enana io he henua. I mu’i iho ua katahi tahipito anera me Tatane no te toua atu.

Ua iho mai atou io he henua me te ha’a’i’o atu ia atou he nino enana no te matiri me te tau vehine. ’I’o mai ai ta atou tau tama e enana ’i’i oko me te hauhau oko.

Ua pi te aoma’ama i te poi hana hauhau. Ua peau te Pipiria, mea hauhau ananu ta atou hana me to atou ma’akau.

 Ua haka’oko Noa i te Etua. Ua kanea ia e tahi maka ihepe, te araka. Tenete 6:13, 14, 18, 19, 22

E hana a’a Noa i te hana meitai. Ua peau Iehova ia Noa, e ha’ako’e ia i te poi hauhau ma he tirui.

Ua ape te Etua ia Noa e kanea e tahi maka ihepe, te araka, me te ha’a tomo atu i to ia hua’a ha’e me te nui’ia hakatu animara.

Ua haka’ite Noa te tihe ’ia o te tirui i te tau enana. A’o’e ’a atou i haka’oko. Ha’ame’e atu tahipito ia ia, ha’aha’a atu titahi.

Te pao’ia i te kanea o te araka, ua ha’a tomo Noa i te tau animara i oto.