Mea nui te tau mea meitai ta Iehova i tuku ia Atamo me Eva. Tenete 1:28

Ua kanea Iehova i te vehine omua o Eva no te ha’amatiri atu ia Atamo.—Tenete 2:21, 22.

Ua tuku Iehova ia aua te ma’ama me te nino toitoi noa, pi’o ko’e.

I oto te papua meitai i Edene to Atamo me Eva noho’ia. E vahi kanahau oko, te ka’avai nui, te tau tumu puku me te tau animara.

Ua tekao Iehova ia Atamo me Eva me te hakako atu. Anoa aua i haka’oko ia ia, e noho ananu aua i uka o te henua.

 Ua peau te Etua umo’i e kai te tau puku o titahi tumu akau. Tenete 2:16, 17

Ua toua atu e tahi anera hauhau me te Etua. O Tatane te Tiaporo to ia ikoa.

Ua peau Iehova ia Atamo me Eva umo’i e kai te tau puku o te tahi tumu i oto te papua. Ia kai aua, e mate aua ma hope.

A’o’e Tatane e makimaki e haka’oko Atamo me Eva ia Iehova. Ua ha’ahana ia titahi puhi henua mea peau ia Eva, ia kai ia i te puku o te nei tumu akau, a’o’e ia e mate a tika’a e ’i’o ia me te Etua. Mea a, e tekao tivava.—Tenete 3:1-5.