Aller au contenu

Aller au sous-menu

Aller au sommaire

Te tau Ite no Iehova

Marquisien (Nuku Hiva)

A haka’oko i te Etua e pohu’e ananu oe

 HOPE 7

O ai Ietu?

O ai Ietu?

Ua popahi mai Iehova ia Ietu io he henua. 1 Ioane 4:9

No te ha’a’hua eka’eka ia Iehova, a haka’oko i ta ia Tama. Ma mua i te pepena ia Atamo, ua pepena Iehova i te nei tama, e tahi anera ’i’i oko.

Ua popahi Iehova i te ’a anera io he henua. Ua hanau ia i Peterehema, to ia ikoa o Ietu. I te a taime, a’o’e Maria to ia kui i moe atu a’a me te vahana.—Ioane 6:38.

Ua haka’ite toitoi noa Ietu i te tau hakatu meitai o te Etua. E enana meitai ua pi te koekoe i te kaoha. Mea hana maeka ia tekao atu me ia. Me te koekoe ’i’i ua hakako atu ia i te mea tiatohu nui no Iehova.

 Ua hana Ietu i te hana meitai, mea ’a ua ha’aha’a’ia ia. 1 Petero 2:21-24

Ua ha’apohu’e Ietu i te poi hemo mate me te tuku hakaua i te pohu’e’ia i tahipito poi mamate.

Ua ha’aha’a te tau ha’atere ha’apaora’a ia Ietu no te mea ua haka’ite ia i ta atou tau tekao tivava me ta atou tau hana hauhau.

Ua peau te tau ha’atere ha’apaora’a i te poi me i Roma ia kukumi ia Ietu me te ha’amate ia ia.