Achhôhbie lâ siepakhô teh

Zehôvah Apahnokheituhpazy

Select language Chin (Mara)

Rietheisipasana a Leidia Thei Aw Ma?

Rietheisipasana a Leidia Thei Aw Ma?

Kheihta na pachâ?

  • A leidia aw

  • Leidia aw vei

  • A leidia thlâh thei

 BIEHRAI REIPA

“Khazohpa cha . . . Ama mo tawhtahpa mothlih zydua a hru khai aw. Thina y khao leipa aw ta, mâchhiesana zy, chana zy, pasana zy y khao hra aw vei.” —Biephuahpa 21:3, 4.

BIEHRAI TAWHTA NÂ THÔHKHEI THEINA

Buabânazy he Khazohpa patlôsapa châ vei tahpa hnabeiseihna.—Zami 1:13.

Riethei eima tao nota Khazohpa ta miah a ngiachhie tahpa eima pahnopa vâta thlahlôhna.—Zekhariah 2:8.

Rietheisipasana zydua a leidia khai aw tahpa hnabeiseihna.—Hlazy 37:9-11.

 BIEHRAI REIPAZY EIMÂ NGIAPÂ THEI AW MA?

Eimâ ngiapâ theina chhâpa sâno:

  • Khazohpa rietheisipana nata moleina a hao tlôh ta. Biehria daihti nota a chyhsazy taochhiepa ama châ tita Zehôvah Khazohpa palôhphaoh pachâ tua rai. Taochhiepa ta ama y nota Abeipa ta ‘amo cha ngiachhie ta’ tahpa ta Biehrai liata ropa a châ. —Ryureihtuhpa 2:18.

    Mohropa a taolapazy Khazohpa ta â hao ei. Pamosana ta, Biehrai liata “moleina hnei leipa chyhsa siapazy a thie tyh tuhpazy” â hao kaw ei a tah.—Biesozy 6:16, 17.

  • Khazohpa cha keimo pakha chyu miah a pachâ kaw sai. “Pachârôhna vâta palôhpasa ngaitapazy” pakha chyu amâ pahnopasiapa hawhta, Zehôvah chhaota a pahnopasia ei!—2 Thâtihzy rona 6:29, 30.

Zehôvah chata a khihnarâh zawhzie mo pakha chyu rietheisipasana a pabâh ha aw. (Mathai 6:9, 10) Atahmâ Ano a padotuhpazy thlahlôhna a pie lymâ tyh.—Hmotaopa 17:27; 2 Kawrini 1:3, 4.

 PACHÂ AWPA

Khazohpa ta khazia rietheisipana y a pasaih?

He hriahhrina châta Biehrai bie âchhyna cha RAWMA MOZY 5:12 nata 2 PITY 3:9 liata hmô theipa a châ.