Achhôhbie lâ siepakhô teh

Secondary menu lâ siepakhô teh

Zehôvah Apahnokheituhpazy

Chin (Mara)

Hmialâ Daihti He Kheihta e Na Pachâ?

Hmialâ Daihti He Kheihta e Na Pachâ?

Kheihta na pachâ?

  • Ânano aw vei

  • A chhie via aw

  • A pha via aw

 BIEHRAI REIPA

Khazohpa cha . . . ama mo tawhtahpa mothlih zydua a hru khai aw. Thina y khao leipa aw ta, mâchhiesana zy, chana zy, pasana zy y khao hra aw vei. Hmo parohpazy cha a khô haw.”—Biephuahpa 21:3, 4.

BIEHRAI TAWHTA NÂ THÔHKHEI THEINA

Palôhtlâhchhihpa raihria. —Isai 65:21-23.

Pasana, rietheina zy y khao aw vei.—Isai 25:8; 33:24. Chhôhkha viasa heih-nawhzy nata ly-ypa chhâzaw hro.—Hlazy 37:11, 29.

 BIEHRAI REIPAZY EIMÂ NGIAPÂ THEI AW MA?

Eimâ ngiapâ theina chhâpa sâno:

  • Khazohpa cha bietaizy a patlohsa thei. Biehrai liata Zehôvah Khazohpa dei he “Atotaotheituhpa” tahpa châ ta, a hmotaotheina chhâna rai hnei vei. (Biephuahpa 15:3) Chavâta Khazohpa cha khizaw panano awpa a bietai hawhta a pha viapa ta a panano thei thlâh haw. Biehrai reipa hawh tlaita, “Khazohpa châta deikua ato taotheipa a châ.” —Mathai 19:26.

  • Khazohpa ta a bietai hawhta tao a khoh. Pamosana ta, Zehôvah cha athipazy hrona pie heih awpa ta a “palôh a tlâh aw.”—Zawba 14:14, 15.

Khazohpa Sawchapawpa Zisu ta atlâhleipazy a patlâhna kyh Biehrai liata ropa a châ. Khâpa vâta e? Khona a hneipa vâta. (Maka 1:40, 41) Âbyuhngiahpazy deichhy khohna a hneipa heta a Paw nôchâ liahsa a palâsa.—Zawhana 14:9.

Chavâta Zehôvah nata Zisu zy ta hmialâ daihti liata ly-ypa hro to awpa miah a khohkhei!—Hlazy 72:12-14; 145:16; 2 Pity 3:9.

 PACHÂ AWPA

Khazohpa ta khizaw he kheihta e a paphasa via aw?

He hriahhrina châta Biehrai bie âchhyna cha MATHAI 6:9, 10 nata DANIEL 2:44 liata hmô theipa a châ.