Kheihta na pachâ?

  • Chyhsa sona ta ropa châbu

  • Phôhpa châbu

  • Khazohpa Bie

 BIEHRAI REIPA

“Khazohpa châ bie zydua he Khazohpa huso thlupa châ ta.”—2 Timawthy 3:16.

BIEHRAI TAWHTA NÂ THÔHKHEI THEINA

Hro kyh biehiahhrina peimawhpazy châta palôhtlâh chhihpa bie âchhyna.—Biesozy 2:1-5.

Nohto hro châta chhihthana phapa.—Hlazy 119:105.

Hmialâ daihti châta hnabeiseihna hmeihseihpa.—Rawma mozy 15:4.

 BIEHRAI REIPAZY EIMÂ NGIAPÂ THEI AW MA?

Eimâ ngiapâ theina chhâpa sâthôh:

  • Âroahzie. Biehrai he kô 1,600 chhôh chyhsa 40 rachhôh ta ropa châ tlôh ta. Biehrai rotuhpa hluh via cha pakha nata pakha âpahno veih ei. Châhrasala, Khazohpa moh nata ryureihna thâtih ama rohna kyh liata Biehrai he tlokhuh â raoh!

  • Phôhpa Kyh liata âdozie. Thâtih rotuhpazy ta ama chipho chyhsazy tiahna thâtihzy kyh dei ama roh tyh. Biehrai rotuhpazy deikua cha âmosasyh nata ama chipho phahlazie chhao âpalâhâhpa ta ama roh.—2 Thâtihzy rona 36:15, 16; Hlazy 51:1-4.

  • Ngâchhihpa Chhochhieliena. Zudah khih chyhpa Bethlehem khih liata Mesia a vaw pih awpa thâtih cha Biehrai liata kô 700 hlei chhochhieliepa a châ. (Mikah 5:2) Zisu khataih liata a vaw pih hmeihseih? Biehrai chhochhieliepa khih lia tlaita a vaw pih!—Mathai 2:1-6.

Biehrai chhochhieliepa hluhpi chhao a diduahpa taihta â vaw tloh lymâ. Chavânachata Biehrai cha Khazohpa husothlupa a châ tahpa eimâ ngiapâ thei.—2 Pity 1:21.

 PACHÂ AWPA

Biehrai he na hro châta kheihta a cha phahnai thei aw?

He hriahhrina châta Biehrai bie âchhyna cha ISAI 48:17, 18 nata 2 TIMAWTHY 3:16, 17 liata hmô theipa a châ.