Kheihta na pachâ?

  • Palôhrupa chhôh liatahpa.

  • Pakhopâna bie.

  • Vârâh sawhkhâ.

 BIEHRAI REIPA

“Avâ Khazohpa ta khihnarâh a rao beih lei awpa padua aw ta.”—Daniel 2:44.

“Sawchapaw cha piepa eima châ haw! Ano cha ryu maniah a reituhpa a châ aw.”—Isai 9:6.

BIEHRAI TAWHTA NÂ THÔHKHEI THEINA

  • Sawhkhâ siapa chata a cha phahnai thei.—Isai 48:17, 18.

  • Khizaw thiehpa liata hri siapa nata ly-ypa hro.—Biephuahpa 21:3, 4.

 BIEHRAI REIPAZY EIMÂ NGIAPÂ THEI AW MA?

Eimâ, ngiapâ theina chhâpa sâno:

  • Khazohpa Khihnarâh ta maniah a taopa awpa kha Zisu ta a palâsa. Zisu ta a pachupazy hnohta Khazohpa Khihnarâh a vaw tlô awpa nata Khazohpa khopa alei liata taopa a châ awpa, thlahchhâ a pachu ei. (Mathai 6:9, 10) Cha thlalchhâna kheihta a vaw tloh aw tahpa Zisu ta a palâsa.

    Zisu alei liata a y nona khata nodipazy niepa pie ta, tlâhleipazy patlâh ta, athipazy a pathyu heih ei! (Mathai 15:29-38; Zawhana 11:38-44) Khazohpa Khihnarâh liata bei a vaw châ awpa Zisu chata a sawhkhâ ta hmo maniah a taopa awpazy palâsa nawpa ta a vaw tao chhielie.—Biephuahpa 11:15.

  • Khizaw hmo yziezy heta Khazohpa Khihnarâh a vaw tlô bâ aw tahpa a palâsa. Khazohpa Khihnarâh chata alei liata âdyhna a vaw chhikhei hlâ via cha alei liana heta adyuhna, chakâhna, leilôsihna a y aw tahpa Zisu ta a reihchhielie.—Mathai 24:3, 7.

    Tanoh cha hawhpa hmozy eima hmô lymâ haw. Chavâta Khazohpa Khihnarâh chata cha hawhpa buana zydua a pahleipadia bâ aw tahpa eimâ ngiapâ thei.

 PACHÂ AWPA

Khazohpa Khihnarâh ryureina liata kheihta e na y aw?

He biehiahhrina châta Biehrai bie achhyna cha HLAZY 37:29 nata ISAI 65:21-23 liata hmô theipa a châ.