Achhôhbie lâ siepakhô teh

Secondary menu lâ siepakhô teh

Zehôvah Apahnokheituhpazy

Chin (Mara)

Chhôhkha Hro Nohlaona Châhbi Cha Khâpa e?

Chhôhkha Hro Nohlaona Châhbi Cha Khâpa e?

Kheihta na pachâ?

  • Kyhpachâna

  • Phusâ

  • Hmo hropa

 BIEHRAI REIPA

“Khazohpa bie thei ta, a zyhpazy he chyhsa nohlao viapa tlao ama châ!”—Luka 11:28.

BIEHRAI TAWHTA NÂ THÔHKHEI THEINA

Kyhpachâna Hmeihseihpa tluana.Ephesi 5:28, 29.

Zana hmeihseihpa.—Ephesi 5:33.

Thlahlôhchhihna hmeihseihpa hneina.Maka 10:6-9.

 BIEHRAI REIPAZY EIMÂ NGIAPÂ THEI AW MA?

Eimâ ngiapâ theina chhâpa sâno:

  • Khazohpa cha Chhôhkha hro apathaotuhpa a châ. Zehôvah Khazohpa châta “Chhôhkha to moh bi hnâpa a châ” tahpa ta Biehrai liata rohpa a châ. (Ephesi 3:14, 15) Zehôvah ta a taopa vâta chhôhkha he a vaw ypa tlao a châ. Cha cha khazia a y patlua?

    Pachâ tua rai: Pati pahâhpa nie la, a chhôh liatahpa na pahno khoh khiahta cha ahy e na hiahhri aw? Apatohpatiatuhpa hriahhri awpa a châ.

    Cha hawh tlaita, nohlaopa chhôhkha hro châta âbyuhngiahpa pahno thei nawpa ta chhôhkha a pathaotuhpa Zehôvah ângâchhâ awpa a châ.—Âthaona 2:18-24.

  • Khazohpa ta na kyh a cha pachâ. Chhôhkhazy ta Zehôvah chhihthana tlua awpa châ ta, cha cha Khazohpa Bie liata hmô theipa a châ. Khâpa vâta e? ‘A cha pachâ ngaitapa’ vâta a châ. (1 Pity 5:6, 7) Zehôvah ta nama phahnaina khoh ta, a chhihthana chhao a pha lymâ!—Biesozy 3:5, 6; Isai 48:17, 18.

 PACHÂ AWPA

Vahpa phapa, lahpinô phapa, nôpaw phapa kheihta e na châ thei aw?

He hriahhrina châta Biehrai bie âchhyna cha EPHESI 5:1, 2 nata KAOLAOSA 3:18-21 liata hmô theipa a châ.