Achhôhbie lâ siepakhô teh

Secondary menu lâ siepakhô teh

Zehôvah Apahnokheituhpazy

Chin (Mara)

Athipazy Ama Hroh Heih Aw Ma?

Athipazy Ama Hroh Heih Aw Ma?

Kheihta na pachâ?

  • Ama hroh heih aw

  • Hroh heih aw veih ei

  • Ama hroh heih thlâh thei

 BIEHRAI REIPA

‘Thyuheihna a y aw.’ —Hmotaopazy 24:15.

BIEHRAI TAWHTA NÂ THÔHKHEI THEINA

Kyhpachâpazy ama thi nota thlahpalôhna.—2 Kawrini 1:3, 4.

Thi riah chi tuna tawhta khotalaihna.—Hebrai 2:15.

Kyhpachâpa athi hapazy nata âtyh heih awpa hnabeiseihna hmeihseihpa.—Zawhana 5:28, 29.

 BIEHRAI REIPAZY EIMÂ NGIAPÂ THEI AW MA?

Eimâ ngiapâ theina chhâpa sâthôh:

  • Khazohpa cha hro ataotuhpa a châ. Biehria liata Zehôvah Khazohpa cha “Hrona hnawh” a châ. (Hlazy 36:9; Hmotaopa 17:24, 25) Hrohneipa to hrona a pietuhpa chata athi hapazy hrona a pie pakhua heih thei.

  • Khazohpa ta hlâno daihti liata chyhsazy a pathyu heih. Biehria liata chanô-chapaw, hawti-machâ chyhsa pacharie ama vaw hro heihpa kyh ropa a châ. Thokha cha buakha thi ei ta, chyhsa pakhapa deikua cha noh palih chhôh thlâ liata a y haw!—Zawhana 11:39-44.

  • Khazohpa ta chyhsazy pahro heih awpa a khoh. Zehôvah chata thina he khoh vei; thina he khakhaipa a tah. (1 Kawrini 15:26) Khakhaipa cha pahnie khoh ta, thyuheihna zawhzie thina he pahlei awpa a khoh. Â vaopazy hrona pie pakhua khoh ta, leilô liata ama hro heih awpa a khohkhei ei.—Zawba 14:14, 15.

 PACHÂ AWPA

Khâzia machâ pi ta eima thi?

He Biehiahhrina he Biehrai bie âchhyna cha ÂTHAONA 3:17-19 nata RAWMA MOZY 5:12 liata hmô theipa a châ.