Aller au contenu

Aller au sommaire

 HAKAKOTIA 3

Mei io te Etua uanei te tau te’ao hou koakoa a te Pipiria?

Mei io te Etua uanei te tau te’ao hou koakoa a te Pipiria?

1. O ai te Tumu o te Pipiria?

I ‘oto te Pipiria te te’ao hou te mea e poho’e anatu te tau enata i ‘una i te fenua. (Taramo 37:29) I ‘oto te Pipiria ena 66 hamani hunahuna. Ua ha’ahanatia te Etua e 40 enata ha’ati’a no te patu i te Pipiria. Na Moite i patu ‘omua e ima hamani e 3 500 ehua i tenei, te hamani paona na te apotoro Ioane e 1 900 ehua i tenei. Mei hea mai te tau ma’akau o te tau enata patu Pipiria? O te tau ma’akau o te Etua ta atou i patu ma te kuhane meita’i. (Samuera 2, 23:2) ‘O Iehova ho’i te Tumu o te Pipiria.A tetau i te Timoteo 2, 3:16; Petero 2, 1:20, 21.

2. No te aha mea tiatohu na te Etua te Pipiria?

E ‘ite tatou te Pipiria mei io te Etua. Me ha’avivini toitoi ia te mea e patutia ena i ‘omua. ‘A’o’e e koana te enata ‘ia tohu. (Iotua 23:14) Na te Etua to’otahi, te Mana nui, e tohu toitoi te tau mea e tihe mai o te poho’etina o te enata.A tetau i te Itaia 42:9; 46:10.

Te hamani toitoi a te Etua o te Pipiria. Ua tuhatia ia e hia miria hamani i ‘oto te tau hanere ‘eo. E aha ‘a to ia kakiu, mea ha’ati’a ia me te tuhuna. ‘A’o’e te’a tau 40 enata patu Pipiria i ha’apakeka titahi i titahi. * No eia, ua ha’a’ite te Pipiria i te hakâtu toitoi o te kaoha o te Etua. E mana anatu to ia tenei no te ha’ameita’i te poho’etina o te tau enata. No eia, ua ha’atiatohu te’a tau hana i te tau mirioni enata, e Te’ao na te Etua te Pipiria.A tetau i te Tetaronika 1, 2:13.

 3. E aha te te’ao a te Pipiria?

E ha’a’ite nei te tau te’ao hou koakoa a te Pipiria, ena me ta te Etua e ma’ima’i no te hua’a enata. E ha’avivini nei ia no te aha te poho’etina i ‘omua, i ‘oto te papua meita’i, i na’o ai. Titahi, pehea te Etua e ha’ahua haka’ua mai e tahi papua meita’i.A tetau i te Apokarupo 21:4, 5.

E vai nei te tau ture, te tau tumu te’ao me te tau ‘o’ona’i i ‘oto te Pipiria. E ha’akakai nei te Pipiria te tau te’ao o te Etua me te tau enata, ha’akakai no te ha’a’ite to ia hakâtu. I ‘oto te Pipiria e ‘ite ai ‘oe o ai te Etua me pehea ‘ia ‘i’o ‘oe e hoa no ia.A tetau i te Taramo 19:7, 11; Iakopo 2:23; 4:8.

4. Pehea ‘ia vivini ‘oe i te Pipiria?

E koana tenei tui’ia hamani te apu’u ‘ia ‘oe no te ‘ite i te Pipiria me ta Ietu i hakako. ‘Ia tetau ia e tahi tumu te’ao Pipiria me titahi, e ha’a’ite ia te ma’akau o te tau Hamani tapu.A tetau i te Ruka 24:27, 45.

E ha’ameita’itia te tau te’ao hou koakoa mei io te Etua. ‘Ati’a, e tau te’ao tupe noa no tahipito tau po’i, na titahi e tau te’ao hi’iaki. ‘Ati’a a he’e i mua. Ma ‘oto te ‘ite o te Etua e koana ‘ia ‘oe te poho’etina anatu.A tetau i te Ioane 17:3.

 

^ par. 3 A tiohi te tui’ia hamani Un livre pour tous.