Aller au contenu

Aller au sous-menu

Aller au sommaire

Te’ao hou koakoa mei io te Etua

 HAKAKOTIA 6

E aha te tia’itina no te tau po’i mamate?

E aha te tia’itina no te tau po’i mamate?

1. E aha te te’ao hou koakoa i ‘una te tau po’i mamate?

Te tihetia mai ‘o Ietu i Petania, i te kaokao o Ierutaremi, e fa ‘a tenei te matetina to ia hoa ‘o Rataro. Ua he’e atu ia ‘io Marata aua me Maria, na tuehine no Rataro, i te menema. Tihe mai nei titahi pupu enata. Aue ho’i te koakoa ‘o Marata me Maria i te ‘itetia ‘ia Ietu te ha’atû haka’ua mai ‘ia Rataro!A tetau i te Ioane 11:21-24, 38-44.

Ua ‘ite ena Marata i te te’ao hou koakoa i ‘una te tau po’i mamate. E ha’atû haka’ua mai Iehova ‘ia atou no te poho’e haka’ua ‘io he fenua.A tetau i te Itaia 26:19.

2. E aha te hakâtu o te tau po’i mamate?

Ua pe’au te Etua ‘ia Atamu: “E ‘epo ‘oe, e hua haka’ua ‘oe i tohe ‘epo.”—TENETE 3:19.

Ua pepena Iehova i te enata me te ‘epo fenua. (Tenete 2:7; 3:19) ‘A’o’e ho’i tatou e kuhane poho’e i ‘oto titahi tino enata. E enata tatou, ‘ia mate tatou, ua mate nui. E mate to tatou o’o me to tatou ma’akau. No eia, ‘a’o’e i koana ‘ia Rataro i pe’au titahi te’ao i ‘una to ia matetina.A tetau i te Kohereta 9:5, 6, 10.

E ha’amamae uanei te Etua i te tau po’i i ‘oto te ahi ma hope to atou matetina? E tikoe ho’i tena. Te ha’a’ite nei te Pipiria ‘a’o’e atou e ‘ite me te te’ao. Mea hi’iaki na Iehova te ma’akau e ha’amamaetia nei te tau enata i ‘oto i te ahi.A tetau i te Ieremia 7:31.

 3. E koana uanei te tau po’i mamate ‘ia te’ao?

‘A’o’e te tau po’i mamate e te’ao, e ‘ono. (Taramo 115:17) E vai nei te tau anera makaka. E koana ‘ia atou e te’ao mai me te to’o te ‘eo o te tau po’i mamate. (Iuta 6) Ha’atapu nui Iehova ‘ia te’ao i te tau po’i mamate.A tetau i te Teutoronomi 18:10, 11.

4. O ai te ha’atû haka’ua mai?

E ha’atû haka’ua ‘io he fenua, te tau mirioni enata i mate. Ati’i me te tau po’i ‘a’o’e atou e ‘ite i te Etua me te hana i te hana pe.A tetau i te Taramo 37:9; Hana 24:15.

E koana te tau po’i ha’atû haka’ua ‘ia hakako i te te’ao hohonu i ‘una te Etua me te ha’a’ite to atou ha’ati’a ‘ia Ietu ma ‘oto i te haka’ono. (Apokarupo 20:11-13) O te tau po’i ua hana i te hana meita’i e tû haka’ua atou no te poho’e anatu ‘io he fenua.A tetau i te Ioane 5:28, 29.

5. E aha te ha’atû haka’ua e hakako nei i ‘una ‘o Iehova?

Ua tu’u mai Iehova i ta ia Tama ‘ia mate no tatou e koana mai ai te tia’itina no te tau po’i mamate. E ha’a’ite mai te ha’atû haka’ua i te kaoha hohonu me te meita’i nui ‘o Iehova. O ai ho’i te po’i ta ‘oe i ma’ima’i e ‘ite haka’ua?A tetau i te Ioane 3:16; Roma 6:23.