Aller au contenu

Aller au sous-menu

Aller au sommaire

Te’ao hou koakoa mei io te Etua

 HAKAKOTIA 9

Pehea to ‘oe hua’a fa’e e koakoa ai?

Pehea to ‘oe hua’a fa’e e koakoa ai?

1. No te aha mea afi te matiri no te koakoa o te hua’a fa’e?

‘O Iehova te tumu o te te’ao hou koakoa. E ma’ima’i ia e koakoa te hua’a fa’e no te mea ‘o ia te Etua koakoa. (Timoteo 1, 1:11) ‘O ia te tumu o te matiri. Mea afi te matiri ma ‘oto te ture no te koakoa o te motua me te tau tama i ‘oto te kaoha. ‘Ia ha’apakaihi te tau Kiritiano i te tau ture o to atou fenua i ‘una te matiri.A tetau i te Ruka 2:1, 4, 5.

E aha te ma’akau o te Etua i ‘una te matiri? E ma’ima’i ia e tahi tuta’itina anatu e tahi ‘ahana e tahi vehine me te ha’atuta’i toitoi titahi i titahi. (Heperero 13:4) Mea hi’iaki Iehova te ha’apaetina te ture. (Marakia 2:16) ‘Ia hiamoe ana’e e tahi ‘ahana me titahi vehine ke, e koana ia titahi ‘ia ha’apae me te matiri haka’ua me titahi.A tetau i te Mateo 19:3-6, 9.

2. Pehea e pakaihi te ‘ahana i ta ia vehine?

Ua pepena te Etua te ‘ahana me te vehine e ‘i’o mai aua e tahi i ‘oto i te matiri. (Tenete 2:18) O te ‘ahana te upo’o o te hua’a fa’e. Na ia e tafai ta ia hua’a tama me te hakako atu te te’ao toitoi a te Etua. E ha’ataetae te ‘ahana i ta ia vehine! E kaoha atu kaoha mai te ‘ahana i te vehine me te aotahi. No to aua hakâtu mikeo, mea hei no aua ‘ia hakako pehea aua e huke i te umu.A tetau i te Efetia 4:31, 32; 5:22-25, 33; Petero 1, 3:7.

3. E titi’i uanei ‘oe i to ‘oe hoa matiri no te mea ‘a’o’e ‘oe e koakoa a’a?

Mei te mea e hi’iveke a’a o’ua, a ‘imi pehea ‘ia ha’atoitoi ‘ia o’ua. (Korinetia 1, 13:4, 5) ‘A’o’e te Pipiria pe’au  a’a e ha’ataha ke ‘ia o’ua no te ha’ahei to o’ua hi’iveke.A tetau i te Korinetia 1, 7:10-13.

4. E aha te ma’ima’i o te Etua no te tau tama?

E ma’ima’i Iehova ‘ia koakoa otou. E tu’u mai ia i te tau ‘o’ona’i meita’i, pehea e koana ai te koakoa i to otou hou ‘ia. E ha’ataetae otou i te ‘ite me te ma’ama o to otou motua. (Koroha 3:20) E ma’ima’i Iehova me ta ia Tama, ‘ia ‘ite otou te koakoa no te hana i ta ia hana.A tetau i te Kohereta 11:9–12:1; Mateo 19:13-15; 21:15, 16.

5. Pehea ‘ia ha’akoakoa o’ua i ta o’ua tau tama?

A ha’a’i’i te hana no te tafai, te ‘ekatina me te kahu no ta o’ua tau tama. (Timoteo 1, 5:8) Ati’i, a hakako o’ua ‘ia atou i te kaoha me te haka’ono i te Etua e koakoa atou. (Efetia 6:4) E koana ‘ia ‘ite to otou hana meita’i no te Etua i ‘una ‘o atou. E toko ta o’ua hakakotia i ‘una te Pipiria ‘ia atou ‘ia hana i te hana meita’i.A tetau i te Teutoronomi 6:4-7; Toukaki 22:6.

E meita’i ta o’ua tau tama ‘ia hakapahi me te ha’akoakoa. Mea meita’i ‘ia ‘o’ona’i ‘ia atou. E apu’u ho’i ‘ia atou me io te tau hana pe. (Toukaki 22:15) No eia, umo’i te ‘o’ona’i fe’o me te kaoha ko’e.A tetau i te Koroha 3:21.

Mea nui te tau hamani patu ia te tau Ite no Iehova no te apu’u te tau motua me te tau tama. Ua patutia tenei tau hamani mei ‘oto te Pipiria.A tetau i te Taramo 19:7, 11.