1. No te aha i ha’aputuputu ai te Etua ‘ia Iraere i ‘omua?

Ua ha’aputuputu te Etua i te tau hua’a tama a te pateriareka Aparahama e mata’eina’a me te tu’u atu i te tau ture. Ua pe’autia atou o “Iraere.” ‘O atou aneiho te atoratio tiatohu o te Etua no te ha’apa’o atu ta ia te’ao. (Taramo 147:19, 20) E ‘i’o mai Iraere e meita’i no te tau enata paotu.​—A tetau i te Tenete 22:18.

Ua vae te Etua ‘ia Iraere e ite no ia. Te ha’a’ite mai nei to atou ha’akakai, e koana te poho’etina meita’i ‘ia pakaihi ta ia tau ture. (Teutoronomi 4:6) Ma ‘oto ‘ia Iraere e koana ai ia tahipito ‘ia ‘ite o ai te Etua toitoi.​—A tetau i te Itaia 43:10, 12.

2. No te aha e ha’aputupututia nei te tau Kiritiano toitoi?

Ma hope mai, ua na’o ‘ia Iraere i te kaoha ta te Etua. Ua ha’avai Iehova ‘ia Iraere no te to’o atu e tahi pupu Kiritiano. (Mateo 21:43; 23:37, 38) Tenei ‘a, o te tau Kiritiano toitoi ta Iehova tau ite.​—A tetau i te Hana 15:14, 17.

Ua ha’aputuputu Ietu ta ia tau ‘ou’a no te poro me te ha’a’i’o atu ‘ia atou e ‘ou’a. (Mateo 10:7, 11; 24:14; 28:19, 20) Tenei mou ‘a, e he’e anatu tenei hana i mua tihe atu i te paona o tenei aoma’ama pe. E a’ahi nei Iehova i te tau mirioni enata vi’ipu te aoma’ama no te atoratio tiatohu ‘ia ia. (Apokarupo 7:9, 10) Ua katahi te tau Kiritiano toitoi no te hakapahi titahi i titahi me te tiohi atu tiohi mai. Ma te aoma’ama vi’ipu, e tahi hakakotia Pipiria i ‘oto to atou fa’e putupututina.​—A tetau i te Heperero 10:24, 25.

 3. Pehea te ha’aputupututina a te tau Ite no Iehova i tû mai ai?

I te tau ehua 1870, ua koana haka’ua i te tau enata tetau Pipiria i te tau te’ao tiatohu i na’o. Ua ‘ite atou na Ietu i ha’atoitoi te pupu Kiritiano no te poro. E ha’amata ai atou ‘ia poro i te Patireia ma te aoma’ama vi’ipu. I te ehua 1931, ua to’o atou te inoa: Ite no Iehova.​—A tetau i te Hana 1:8; 2:1, 4; 5:42.

4. Pehea e ha’aputuputu ai te tau Ite no Iehova?

I te tai ‘omua, ua aotahi te tau pupu Kiritiano i te Tino a’ahi, me te ‘ite ‘o Ietu te upo’o no te vivini ‘ia atou. (Hana 16:4, 5) Ati’i tenei ‘a, e Tino a’ahi a te tau Ite no Iehova. Te vivini nei tenei pupu hamua tiatohu i te tau taha hanatia, pe’autia te tau manamana, no te hu’itina te’ao, te ‘o’omitina me te ha’a’ite atu i te tau patutina Pipiria, hau atu 600 ‘eo. Ua tu’u te Tino a’ahi te tau hakapahitina Pipiria ma ‘oto 100 000 pupu Kiritiano ma ‘oto te aoma’ama. I ‘oto i te’a tau pupu Kiritiano e hana nei te pupu hamua ma ‘oto te koekoe mo’u me te kaoha. E ha’apa’o nei atou i te tau po’i atoratio a te Etua.​—A tetau i te Petero 1, 5:2, 3.

Ua ha’apeipei te tau Ite no Iehova no te poro i te tau te’ao hou koakoa me te hakako atu. Me he tau apotoro, e poro nei matou i te’a fa’e me te’a fa’e. (Hana 20:20) E hakako nei matou i te Pipiria i te tau po’i e ma’ima’i ‘ia ‘ite i te Etua. E hua’a taetae matou me titahi Motua pi te kaoha. E tunane me te tuehine matou, toko atu toko mai. (Tetaronika 2, 1:3) E hua’a koakoa atou i te fenua no te mea e ha’aputuputu nei atou no te ha’akoakoa i te Etua me te apu’u titahi i titahi.​—A tetau i te Taramo 33:12; Hana 20:35.