Aller au contenu

Aller au sous-menu

Aller au sommaire

Te’ao hou koakoa mei io te Etua

 HAKAKOTIA 10

Pehea e ‘ite ai ‘oe i te ha’ati’a toitoi?

Pehea e ‘ite ai ‘oe i te ha’ati’a toitoi?

1. E tahi aneiho ha’ati’a toitoi?

“A tiohi meita’i i te tau perofeta tikoe.”—MATEO 7:15.

E tahi aneiho ha’ati’a toitoi ta Ietu i hakako i ta ia tau ‘ou’a. Ua tu’u Ietu i titahi hakâtu, e tahi uapu e tihe atu i te poho’etina anatu. Ua pe’au Ietu ‘a’o’e e nui te tau enata e to’o i te’a uapu. (Mateo 7:14) O te atoratio i ‘una te te’ao tiatohu ta te Etua e apu’u. Mea katahi te tau po’i atoratio toitoi paotu i ‘oto e tahi ha’ati’a.A tetau i te Ioane 4:23, 24; 14:6; Efetia 4:5.

2. E aha ta Ietu i pe’au i ‘una te tau Kiritiano tikoe?

“E pe’au nei atou ua ‘ite i te Etua, ‘ati’a ta atou hana pe, e titi’i nei atou ‘ia ia.”—TITO 1:16.

Ua pe’au ena Ietu i ta ia tau Kiritiano e tû mai titahi tau perofeta tikoe. ‘Ia tiohi atu, e hakâtu atou me te tau po’i atoratio toitoi, e pe’au a’a e Kiritiano atou. E koana ‘ia ‘oe e ‘ite o ai atou. ‘Ati’a e ‘ite ‘oe o ai te tau Kiritiano toitoi ma ‘oto o to atou hakâtu meita’i me ta atou hana. ‘O atou te tau po’i atoratio toitoi.A tetau i te Mateo 7:13-23.

3. Pehea ‘ia ‘ite i te tau po’i atoratio toitoi?

Eia e ima ha’a’itetia:

  • E ha’apakaihi te tau po’i atoratio toitoi i te Pipiria e Te’ao na te Etua. E ha’a’oko atou i te ‘i’i no te ha’ahana i te tau tumu te’ao a te Pipiria. ‘A’o’e ho’i te ha’ati’a toitoi i ha’atutia i ‘una te ma’akau o te tau enata. (Mateo 15:7-9) Te poho’e nei atou mei ta atou i hakako mai me te ha’a’ite atu ia titahi.A tetau i te Ioane 17:17; Timoteo 2, 3:16, 17.

  •   E pakaihi te tau ‘ou’a toitoi ‘a Ietu i te inoa o te Etua, ‘o Iehova. Ua pakaihi Ietu te inoa o te Etua me te ha’a’ite atu i titahi. Ua apu’u ia te tau enata ‘ia ‘ite te Etua me te hakako atu pehea ‘ia pure no te ha’atapu to ia inoa. (Mateo 6:9) I to ‘oe taha ‘ekatina, o ai te ha’ati’a e ha’a’ite nei te inoa o te Etua?A tetau i te Ioane 17:26; Roma 10:13, 14.

  • E poro te tau Kiritiano toitoi i te Patireia o te Etua. Ua ‘ave mai te Etua ‘ia Ietu ‘io he fenua no te poro te te’ao hou koakoa o te Patireia. O te Patireia o te Etua, ‘o Ietu Kirito te Haka’iki, te tia’itina no te tau enata. Ua poro Ietu i te’a Patireia tihe atu to ia matetina. (Ruka 4:43; 8:1; 23:42, 43) Ua pe’au ia e poro ta ia tau ‘ou’a i te’a Patireia. ‘Ia te’ao mai titahi enata ‘ia ‘oe i ‘una te Patireia o te Etua, e aha ‘oa ta ia ha’ati’a?A tetau i te Mateo 24:14.

  • ‘A’o’e te tau ‘ou’a ‘a Ietu me io tenei aoma’ama pe. E ‘ite ‘ia ‘oe o ai atou no te mea ‘a’o’e atou e katahi me te hana poritita a ko’e ‘a te tau totoua. (Ioane 17:16; 18:36) ‘A’o’e atou e to’o nei te tau hakâtu pe o tenei aoma’ama.A tetau i te Iakopo 4:4.

  • Mea kaoha te tau Kiritiano toitoi titahi i titahi. Ua hakako atou i ‘oto te Pipiria ‘ia pakaihi te tau enata ke. Ha’apoponiho’o te tau ha’ati’a tikoe e toko te tau toua o te tau mata’eina’a ke, ‘a’o’e te tau po’i ha’ati’a toitoi. (Mikea 4:1-3) E tu’u nei te tau Kiritiano toitoi ta atou tau taetae no te apu’u me te a’ahi i tahipito.A tetau i te Ioane 13:34, 35; Ioane 1, 4:20.

4. E aha ‘oa te ha’ati’a toitoi?

I to ‘oe ma’akau e aha te ha’ati’a i tû te hakakotia i ‘una te Te’ao o te Etua, ‘ia pakaihi te inoa o te Etua me te ha’a’ite o te Patireia o te Etua te tia’itina no te tau enata? O ai te tau po’i e ha’ahana nei i te kaoha o te Etua me te katahi ko’e i te tau toua? E aha to ‘oe ma’akau?A tetau i te Ioane 1, 3:10-12.