Aller au contenu

Aller au sous-menu

Aller au sommaire

O ai te hana nei i te hia ‘o Iehova i tenei ‘a?

 HAKAKOTIA 3

Pehea te te’ao tiatohu Pipiria i tû haka’ua mai ai?

Pehea te te’ao tiatohu Pipiria i tû haka’ua mai ai?

Enata hakako Pipiria i te tau ehua 1870

‘Omua La Tour de Garde i te ehua 1879

La Tour de Garde i tenei ‘a

Ua ha’a’ite te Pipiria, ma hope te matetina ‘o Ietu Kirito, e tû mai te tau perofeta tikoe mei ‘oto mai i te tau Kiritiano ‘omua me te ha’ahuike i te te’ao tiatohu. (Hana 20:29, 30) Ua tupu ihoa. Ua kava’i te tau hakakotia ‘a Ietu me te tau ma’akau Kiritiano ko’e tihe atu ai i titahi hana teka a te tau pupu Kiritiano. (Timoteo 2, 4:3, 4) ‘Ati’a, pehea e ‘ite tatou i te toitoi o to tatou ‘ite i ‘una te Pipiria?

Ua tihe te tai e ha’a’ite ai Iehova i te te’ao tiatohu. I te tai paona, ua tohu Iehova “e tupu atura te ite i te rahiraa.” (Taniere 12:4) I te ehua 1870, ua vivini e tahi pupu enata i te te’ao tiatohu ‘a’o’e mei ‘oto mai te Pipiria te nuina hakakotia a te tau ha’ati’a. Ua imi atou i te hakakotia tumu a te Pipiria. Ua apu’u Iehova ‘ia atou.

E tahi hakako hohonu a te Pipiria. Ua ha’ameita’i te tau Enata hakako Pipiria i titahi hana hakakotia, ta matou e ha’ameita’i nei i tenei ‘a. E imi atou i ‘oto te Pipiria ma te tau tumu te’ao. ‘Ia ko’e atou e ‘ite meita’i i titahi kio Pipiria, e imi atou i titahi tau kio no te ha’avivini atu. ‘Ia koana ‘ia atou e tahi pona te’ao afi me te Pipiria, a tahi atou a patu. ‘Ia ha’avai na te Pipiria e ha’avivini ‘ia ia e koana ai ‘ia atou te te’ao tiatohu i ‘una i te inoa o te Etua, to ia Patireia, to ia hia no te fenua me te enata, te hakâtu o te tau po’i mamate me te tia’itina i ‘una o te tau po’i ha’atû haka’ua. Ma ‘oto ta atou imitia poho’e mai ai atou me io te tau ha’ati’a me te tau hana tikoe.—Ioane 8:31, 32.

I te ehua 1879, ua vivini te tau Enata hakako Pipiria ua tihe te tai ‘ia ha’a’ite i te te’ao tiatohu. ‘Ati’a, ua ha’amata i te ‘o’omi i te hamani La Tour de Garde annonce le Royaume de Jéhovah, hamani ta matou e tuha nei tenei tau ‘a. Te ha’a’ite nei matou i te te’ao tiatohu o te Pipiria i te enata ma ‘una atu e 240 fenua ma ‘oto e 750 ‘eo. E tapava’u te ‘ite tiatohu!

  • E aha te mea i tupu mai i ‘una te te’ao tiatohu ma hope te matetina ‘o Ietu Kirito?

  • Pehea te te’ao tiatohu i tû haka’ua mai ai?