Aller au contenu

Aller au sommaire

 HAKAKOTIA 5

E aha ta ‘oe e ‘ite i ta matou tau putupututia Kiritiano?

E aha ta ‘oe e ‘ite i ta matou tau putupututia Kiritiano?

Argentine

Sierra Leone

Belgique

Malaisie

Mea nui te tau enata ‘a’o’e atou e tihe haka’ua i ta atou putupututia no te mea ‘a’o’e i koana ‘ia atou te tau pahonotia me te uitina hohonu i ‘una i te poho’etina. No te aha ‘oe i he’e ai i te putupututia Kiritiano a te tau Ite no Iehova? E aha te tau meita’i ta ‘oe e koana mai?

Te koakoa ‘ia katahi me te tau enata koekoe meita’i. E ha’aputuputu nei te tau Kiritiano i te tai ‘omua ma he fa’e putupututia Kiritiano no te atoratio i te Etua, no te hakako i te tau te’ao patutia me te ha’a’i’i titahi i titahi. (Heperero 10:24, 25) I ta atou putupututia, te katahi nei te tau tunane me te tuehine Kiritiano me te tau hoa toitoi, ma te kaoha. (Tetaronika 2, 1:3; Ioane 3, 14) Ati’i matou i tenei tau ‘a.

Te meita’i ‘ia ha’ahana i te tau tumu te’ao a te Pipiria. Me te tai kakiu, e ‘ahana, e vehine me te tau toiki e katahi nei. Te ha’ahana nei te tau tunane toitoi noa i te Pipiria no te vivini, pehea ‘ia ha’ahana i te tau tumu te’ao i ‘oto to matou poho’etina. (Teutoronomi 31:12; Nehemia 8:8) E koana titahi i titahi ‘ia pahono i te tau uitina, ‘ia himene no te ha’a’ite atu i to matou ha’ati’a Kiritiano.—Heperero 10:23, Te Bibilia Mo’a V.C.J.S. (1976)

Te meita’i ‘ia ‘i’i to matou ha’ati’a. Ua pe’au te apotoro Pauro i titahi fa’e putupututia Kiritiano i to ia tai: “E hinaaro rahi hoi to ’u ia ite atu ia outou, ia tuu atu vau i ta te varua ia outou . . . ia mahanahana hoi au e outou atoa i to tatou faaroo, i to outou e i to ’u atoa.” (Roma 1:11, 12) E ‘i’i to matou ha’ati’a ma te ha’atoitoi ‘ia poho’e me he Kiritiano me te katahi anatu me tahipito Ite no Iehova.

E ma’ima’i nei ‘oe ‘ia he’e mai i ta matou putupututia i mua nei no te to’o mai i te tau nuina meita’i? E apu’u meita’i ‘ia ‘oe! Mea moni ko’e ta matou putupututia paotu. ‘A’o’e e kohitina moni.

  • E putuputu nei matou no te to’o i te hakâtu o ai?

  • E aha te tau meita’i ta ‘oe e koana mai?