Aller au contenu

Aller au sous-menu

Aller au sommaire

O ai te hana nei i te hia ‘o Iehova i tenei ‘a?

 HAKAKOTIA 7

E aha te tau te’aote’aotia i ta matou tau putupututia Kiritiano?

E aha te tau te’aote’aotia i ta matou tau putupututia Kiritiano?

Nouvelle-Zélande

Japon

Ouganda

Lituanie

‘Ia putuputu te tau Kiritiano ‘omua, e himene, e pure, e tetau, e te’aote’ao atou i ‘una i te tau Patutia. (Korinetia 1, 14:26) Ati’i ta matou tau putupututia Kiritiano.

O te Pipiria te tumu o ta matou hakakotia. I te paona ‘atapu, te ha’aputuputu nei te tau fa’e putupututia Kiritiano no te haka’ono e tahi Te’aotina Pipiria e 30 miniti no te ha’a’ite pehea ‘ia ha’ahana i te Pipiria i ‘oto to atou poho’etina i te tau ‘a paotu. E ‘o’ona’i nei paotu ‘ia to’o ta atou Pipiria no te tiohi i te tau kio. Ma hope mai tenei te’aotia Pipiria, e ha’amata te Hakakotia o “La Tour de Garde” e tahi hora. E koana te tau tunane me te tuehine o te fa’e putupututia Kiritiano e pahono i te tau uitina o te tumu te’ao. E ha’aoko tenei hakakotia ‘ia matou ‘ia ha’ahana i te tau tumu te’ao Pipiria i ‘oto i to matou poho’etina. E tahi aneiho hakakotia i ‘oto e ma ‘una atu i te 110 000 fa’e putupututia Kiritiano i te aoma’ama nei.

E apu’u te tau tunane me te tuehine no te hakako i te enata. Te putuputu nei matou e tahi po ma te ‘atapu no titahi te’ao ha’a’ite atu, e to’u hope pe’autia Poho’etina Kiritiano me te ha’atuhunatia mei ‘oto mai o te tau hana tumu tu’utia i ‘oto i te Tapa hamani no te putupututia Poho’etina Kiritiano me te ha’atuhunatia. E ha’amata tenei te’ao ha’a’ite atu ma te tau Taetae meita’i o te Te’ao a te Etua, no te ha’ahani ‘ia matou me titahi pona te’ao Pipiria ta te fa’e putupututia Kiritiano i tetau ena. ‘Imu’i mai, i ‘oto o te keke A hana toitoi ‘oe i ‘oto te ha’ahatuhunatia, e tiohi matou i te tau hana ha’a’itetia mea pehea matou ‘ia te’ao i te Pipiria i tahipito. E apu’u titahi tunane ‘ia matou, ‘o’ona’i atu me te ha’ameita’i i ta atou hakâtu me te te’ao. (Timoteo 1, 4:13) Ma hope mai, e ha’a’ite te keke Poho’etina Kiritiano mea pehea ‘ia hana te tau tumu te’ao Pipiria i ‘oto te poho’etina. Ena e tahi te’aote’aotia i ‘una te tau uitina me te tau pahonotia hohonu i ‘una o te Pipiria.

‘Ia he’e mai ‘oe i ta matou putuptutia, e ha’amevaha ‘oe i te meita’i o’o ta te Pipiria i hakako mai.—Itaia 54:13.

  • E aha ta ‘oe i haka’ono i te tau putupututia Kiritiano a te tau Ite no Iehova?

  • E ma’ima’i ‘oe e he’e mai i titahi putupututia Kiritiano?