France

Pologne

Russie

Ua pe’au Ietu Kirito i ta ia tau ‘ou’a: “To outou maramarama, ia anaana ïa i mua i te aro o te taata nei, ia hi‘o ratou i ta outou parau maitai, e ia haamaitai i to outou Metua” i te ani. (Mateo 5:16) No eia matou e ha’ahana meita’i i te tau hana ‘o’o ui’a hou, me te Internet. E ha’avivini nei ta matou taha Internet jw.org i te tau ha’ati’a me te tau hana a te tau Ite no Iehova. E aha te mea e koana i ‘una i tenei taha?

Pahonotia Pipiria i te tau uitina o ta ‘oe i ani. E ‘ite ‘oe i te pahonotia i te tau uitina hohonu a te enata. Me tenei tau tapa hamani E ko’e uanei te tau mamae ma titahi ‘a? me E poho’e haka’ua uanei te po’i mamate? ma ‘una atu e 600 ‘eo i ‘una Internet. E ‘ite ‘oe i te Traduction du monde nouveau ma ‘oto e 130 ‘eo ke, i titahi tau hamani hakakotia Pipiria me te hamani Qu’enseigne réellement la Bible?, La Tour de Garde me te Réveillez-vous! hou. E koana ‘ia ‘oe e tetau a ko’e ‘a e haka’ono i te tetautia o te nuina o te tau hamani ha’a’itetia i ‘una i ta matou taha Internet a ko’e ‘a e to’o atu ma ‘oto MP3, PDF a ko’e ‘a EPUB. E koana ‘ia ‘oe e ‘o’omi i titahi tau tapa hamani i ‘oto i titahi ‘eo ke no titahi enata. E vai nei te tau video ma ‘oto te nuina ‘eo ‘i’ima. E koana ‘ia ‘oe e to’o i te tau tetautia me te keutia ata Pipiria, me te tau himene konini o te Patireia.

Ha’avivinitia toitoi i ‘una o te tau Ite no Iehova. E vai nei te tau te’ao hou me te tau video i ‘una i ta matou tau hana i te aoma’ama vi’ipu, te tau kofi’i i koana i te tau Ite no Iehova me ta matou tau hana tono. E vai nei te tau te’ao ha’a’itetia i ‘una i te tau manamana e tupu i te tau ha’avivinitia i ‘una i ta matou tau motuhana Kiritiano.

Na tenei hana e ha’a’ite i te te’ao tiatohu ma te tau taha mamao i te fenua. Te koakoa nei te tau enata me te tau fenua ke’i i ta matou hana, tihe atu i te fenua Antarctique. E pure nei matou “ia parare oioi noa te parau a te Atua” ‘io he fenua no te hahi ‘ia Iehova.—Tetaronika 2, 3:1, Te Bibilia Mo’a V.C.J.S. (1976)

  • Pehea te taha jw.org e apu’u nei ‘ia matou no te ha’a’ite i te te’ao tiatohu a te Pipiria?

  • E aha ta ‘oe e ma’ima’i e tiohi i ‘una ta matou taha Internet?