Aller au contenu

Aller au sommaire

 HAKAKOTIA 14

E aha te hakakotia Pipiria no te tau pionie?

E aha te hakakotia Pipiria no te tau pionie?

États-Unis

Hakakotia Pipiria no Gileada, Patterson, New York

Panama

Mea koa te hakakotia Kiritiano ua ‘i’o e tahi hakâtu no te tau Ite no Iehova. E hakakotia ke no te ha’avivini i te tau po’i e hakako nei te Pipiria ma te tau taha paotu, e koana ‘ia atou e ‘ave tihe atu i te paona i ta atou porotia.—Timoteo 2, 4:5.

Hakakotia no te tau pionie. ‘Imu’iho e tahi ehua poro pionie, e vai nei i titahi hakakotia Pipiria no te pionie mau anatu, e ono ‘a i ‘oto i titahi Fa’e o te Patireia tata me ia. E apu’u tenei hakakotia Pipiria i te tau pionie no te ha’atata atu me Iehova, ‘ia oko atou i te ‘i’i i ‘oto te nuina hakâtu o te poro me te ha’amau i ‘oto i ta ia hana.

Hakakotia no te tau enata poro i te te’ao hou koakoa o te Patireia. E ha’apeipei tenei hakakotia, e ‘ua mahina, i te tau pionie ma’ama, i ‘oto te hana poro, ‘ia titi’i i to atou fenua no te poro io te tau taha e ‘avetia ai atou. E pe’au a’a atou: “Inaha, teie au; o vau ta oe e tono.” E hana atou ati’i Ietu Kirito, ‘o ia te enata hohonu atu no te poro i te te’ao hou koakoa ‘io he fenua nei. (Itaia 6:9; Ioane 7:29) ‘Ia he’e ‘oe i te taha memao, ‘a’o’e e hana ma’e’a. E hakako ‘oe i titahi hakâtu poho’etina, ta atou peu tumu, titahi hakâtu o te ani, titahi kaikai me titahi ‘eo ke. Tenei hakakotia no te tau tunane me te tuehine to’otahi a ko’e ‘a matiritia, me io te 23 ehua tihe atu me te 65 ehua. E apu’u ‘ia atou ‘ia ha’ahana i te tau meita’i mei io te Etua no to atou poro. E ha’ahana atou i te koekoe ma’ama no te ha’ameita’i ‘ia Iehova me ta ia ha’aputupututia.

Hakakotia Pipiria no Gileada. E “Ite” te ha’avivini i te ponate’ao “Gileada” ma ‘oto i te ‘eo Heperero. Mei to ia ha’amatatia i te ehua 1943, ‘una atu i te 8 000 mitinane o te hakakotia no te poro “e tae noa ’tu i te hopea o te fenua.” (Hana 13:47) I to atou tihetia i te fenua Pérou, ‘a’o’e he fa’e putupututia Kiritiano. I tenei ‘a, ‘una atu i te 1 000. I te ha’amatatia i to matou tau mitinane i te poro i te fenua Japon, a’o mai te 10 Ite no Iehova. I tenei ‘a, ‘una atu i te 200 000. I te hakakotia no Gileada e ima mahina te hakakotia hohonu i te Te’ao o te Etua. E ke’e’e nei te tau pionie ke atu, te tau mitinane, te tau tunane me te tuehine o te fa’e o te Etua, pe’autia te Petere. Ati’i no te tau tia’i Kiritiano vi’ipu me ta atou vehine. E ha’apeipei meita’i ‘ia atou no te ‘ave i te tau te’ao toitoi no te hana Kiritiano i te aoma’ama.

  • E aha te tupu i ‘oto te Hakakotia no te tau pionie?

  • No ai te Hakakotia no te tau enata poro i te te’ao hou koakoa o te Patireia?