Aller au contenu

Aller au sommaire

 HAKAKOTIA 21

E aha te Petere?

E aha te Petere?

Taha kaneatia i te tau ata, États-Unis

Allemagne

Kenya

Colombie

I oto te ‘eo Heperero, te Petere e Fa’e o te Etua. (Tenete 28:17, 19) Mea afi tenei inoa no te tau fa’e a te tau Ite no Iehova i ha’atû i te aoma’ama vi’ipu no te a’ahi me te apu’u i te hana poro. Mei te tai noho’ia ke’i i te fenua États-Unis, te vivini nei te Tino a’ahi i ‘una i te hana a te tau manamana i ‘oto te nuina fenua. Te tau po’i i hana nei i ‘oto te tau manamana oia nei ho’i o te hua’a fa’e o te Petere. Ati’i me titahi hua’a fa’e, e tuta’i nei atou no te hana, no te hakako i te Pipiria me te kaikai paotu.—Taramo 133:1.

E tahi taha no te tavinitia a te hua’a fa’e o te Petere. I ‘oto te tau Petere paotu, e vai nei te tau ‘ahana me te vehine Kiritiano e hana nei ma te ha’a’i’i o’o i te hia o te Etua me te apu’u i te tau hana o te Patireia. (Mateo 6:33) ‘A’o’e atou e ututia, ‘ati’a e tahi ‘ekatia to atou, e kaikai me titahi moni no ta atou tau ha’amau’atia. Ua ha’aafitia ta atou hana paotu: i ‘oto te tau pa’oto hana, i ‘oto te fa’e kuki, i te tau tai kaikai, i te tau tai ‘o’omitia hamani, i te tai kaneatia hamani, i te tai ha’aporopatia, i te tai hopatia kahu, ena haka’ua atu.

E tahi taha hanatia no te apu’u i te hana porotia. Te hia ‘omua i ‘oto te tau Petere paotu, ‘ia ‘ite me te ‘ave atu i te tau te’ao tiatohu a te Pipiria. A tiohi atu i tenei tapa tui’ia hamani. Ua patutia i ‘oto te vivinitia a te Tino a’ahi, ha’ahe’etia ma ‘oto i te ‘o’o ui’a e hanere pupu enata hu’itia ‘eo, ‘o’omitia e titahi tau Petere ma ‘oto te tau masini koi o’o i te ‘o’omi, ha’ahe’etia io te tau fa’e putupututia Kiritiano ‘una a’e e 110 000. I ‘oto i tenei tau hana, e apu’u nei te hua’a fa’e o te Petere no te hana poro i te evanerio. E hana kokouo ho’i tenei.—Mareko 13:10.

  • O ai te tavini i ‘oto i te Petere, e ututia anei atou?

  • E aha te hana kokouo ta te Petere e apu’u nei?