Aller au contenu

Aller au sous-menu

E ko’e uanei te tau mamae ma titahi ‘a?

E ko’e uanei te tau mamae ma titahi ‘a?

To ‘oe ma’akau . . .

  • e?

  • ‘a’o’e?

  • e oti?

 TE PAHONOTIA A TE PIPIRIA

“E ho’oi te Etua te tau vaimata o to atou tau mata. ‘A’o’e e matena haka’ua, ‘a’o’e e ue haka’ua, me te tau ta’a’au me te mamae.”—Apokarupo 21:3, 4, Parole de Vie.

TE HA’AVIVINITIA

‘A’o’e o te Etua te tumu to ‘oe tau kofi’i.—Iakopo 1:13.

Mea ‘eka’eka ‘ia ‘ite ‘oe e memae nei te Etua ‘ia mamae ‘oe.—Takaria 2:8.

Te tia’itina tiatohu e ko’e nui te tau mamae.—Taramo 37:9-11.

 HA’ATI’A ‘OE TE TE’AO A TE PIPIRIA?

E, e ‘ua ma’akau:

  • Mea hi’iaki na te Etua te tau mamae me te hana teka. Ua mamae Iehova i to ia po’i na po kakiu i ha’apetia. Ha’a’ite te Pipiria, ua “kaoha ia ‘ia atou i to atou uetia i ‘a’o o te tau apu’u pe.”—Te tau tavana 2:18, Bible en français courant.

    Ko’e nui te Etua e ha’ati’a te tau po’i e ha’amamae nei i tahipito. Me he mea, e pe’au nei te Pipiria mea hi’iaki na te Etua “te ‘i’ima i ha’atahe i te toto mikeo ko’e.”—Toukaki 6:16, 17, Traduction du monde nouveau.

  • E meta’o nei te Etua no tatou to’otahi. Ua ‘ite te po’i to’otahi “to ia iho pe me to ia iho kofi’i.” Hau atu ‘o Iehova!Paraleipomeno 2, 6:29, 30.

    Ma ‘oto to ia Patireia, e ha’ako’e nui Iehova te tau mamae o te enata to’otahi. (Mateo 6:9, 10) Mamua to ia tihetina, e ha’a’i’i Iehova te tau po’i e imi ‘ia ia.—Hana 17:27; Korinetia 2, 1:3, 4.

 HA’AMA’AKAUTIA

No te aha e ha’avai te Etua te tau mamae?

E pahono mai te Pipiria ta ‘oe uitina ROMA 5:12 me PETERO 2, 3:9.