I te tai o Noa, e hana pe to te nui ia o te enata. Tenete 6:5

Ua fanau Atamo me Eva te tau tama. Ua nui te enata nohe fenua. Ma hope mai patito’o tahipito anera me Tatani.

Ua iho mai atou nohe fenua e ua to’o i te tino enata no te matiri me te tau vehine. Mea makaka ta atou tau toiki.

Ua pi te fenua te tau po’i pe. Pe’au te Pipiria te nui ia o te enata makaka nohe fenua e ma’akau pe anatu to atou.

 Ua haka’ono Noa i te Etua. Ua hana ia e tahi araka. Tenete 6:13, 14, 18, 19, 22

E enata meitai Noa. Ua pe’au o Iehova ia ia e ha’a ko’e ia i te tau po’i pe i tohe vaia nui.

Ua pe’au te Etua ia Noa e hana e tahi araka me te ha’a tomo atu i ta ia hua’a tama me te tau animara.

Ua ha’a ite o Noa i te tau enata e na tihe mai te vaia nui. Tenei a ’a’o’e atou i haka’ono, titahi ua ha’a me’eme’e ia ia, tahipito ua hi’iaki.

Te pao ia te araka i te hana, ua ha’a tomo o Noa te tau animara i oto.