Skip to content

Skip to secondary menu

Skip to table of contents

Sa'bi-Sa'bi Yehuwa

Mamasa

Perangngii Puang Matua Ammu Tuo Saelakona

 BAGIAN 5

Attunna Nuh —Bennanna Ma’perangngi? Bennanna Tae?

Attunna Nuh —Bennanna Ma’perangngi? Bennanna Tae?

Attunna Nuh, sangga kakadakean manda na po’gau tau. Kejadian 6:5

Adam sola Hawa ummampui ana-ana’, anna tuttuan budamo ma’rupa tau lan lino. Sapo den pira-pira malaika’ unturui Setang mangewa lako Yehuwa.

Malaika’ iatoʼo sae inde lino anna membali muane anna mala umpobaine to lino. Bainena undadian ana-ana’ muane makarra anna randan matoro.

Lino na ponnoi to maʼgauʼ kadake. Nakua Buku Masero, ”Kakadakeanna ma’rupa tau lan lino randan buda anna kakadakean manda lan penawanna.”

 Nuh umperangngi Puang Matua anna unggaraga Bahtera. Kejadian 6:13, 14, 18, 19, 22

Nuh iamo muane madotta’. Yehuwa umpokadan Nuh kumua angganna to kadake la na loppoi ummolai wai mala’bu.

Puang Matua ussua duka Nuh unggaraga mesa kappala kamai, iamo disanga bahtera, anna la umpatama keluargana na mentu rupanna olo’-olo’.

Nuh umpakilala ma’rupa tau kumua lasae wai mala’bu, sapo tae naperrangngii tau. Dengan tau umpetawa-tawai Nuh, den duka ungkabassii.

Attunna mangkamo bahterana, napatamami Nuh tu olo’-olo’.